कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १७१

इटहरीमा पेस्तोल र लागूऔषधसहित तीन जना पक्राउ

प्रदीप मेन्याङ्बो

सुनसरी — सुनसरीको इटहरी उपमहानगरपालिका–४ स्थित जनता टोलबाट प्रहरीले पेस्तोल र लागूऔषधसहित तीन जनालाई पक्राउ गरेको छ ।

इटहरीमा पेस्तोल र लागूऔषधसहित तीन जना पक्राउ

पक्राउ पर्नेहरूमा इटहरी उपमहानगरपालिका–४ बस्ने १९ वर्षीय धनबहादुर राई, २७ वर्षी टीका राई र इटहरी–५ बस्ने २८ वर्षीय धनबहादुर राई रहेका छन् । प्रहरीले उनीहरूको साथबाट लेबल नभएको लागूऔषध २४ एम्पुल र मेडइन यूएसए लेखिएको १ थान पेस्तोल र सोही पेस्तोलमा प्रयोग हुने १ थान म्याग्जिन बरामद गरेको जनाएको छ ।

पेस्तोल बोकेका युवाहरुले लागूऔषध बेचबिखन गरिरहेको भन्ने विशेष सूचनाका आधारमा जेठ १३ गते राति ११ बजे इलाका प्रहरी कार्यालयबाट खटिएको टोलीले पक्राउ गरेर सोमबार मात्र सार्वजनिक गरेको हो ।

प्रहरी निरीक्षक भीमबहादुर खड्काका अनुसार उनीहरूमाथि हातहतियार सम्बन्धी र लागूऔषध नियन्त्रण ऐन २०३३ अनुसार सुनसरी जिल्ला अदालतबाट म्याद थप गरेर अनुसन्धान भइरहको छ ।

प्रकाशित : जेष्ठ १६, २०७९ १७:१६
प्रतिक्रिया
पठाउनुहोस्
जनताको राय

फुटपाथ व्यापारीमाथि काठमाडौं महानगर प्रहरीले गरेको धरपकडबारे के भन्नुहुन्छ ?