धान स्याहार्ने र रोप्ने मेसिनले किसानलाई सहज
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
चितवन — असार लागेसँगै चितवनको पूर्वी भेगमा धान रोप्ने मात्रै हैन स्याहार्ने चटारो पनि बढ्छ । चैतमा रोपेको धान जेठको अन्तिम तिरबाट पाक्न सुरु हुन्छ । पाकेको धान स्याहारेसँगै बर्खे धान रोप्न सुरु हुन्छ । मनसुन सक्रिय भएर पानी परेका बेलामा धान स्याहार्नु सकसपूर्ण हुन्छ । तर चितवनका किसानलाई मनसुनमा पाक्ने धान स्याहार्न ठूला मेसिनहरूले साह्रै सजिलो बनाएका छन् ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-10-2662024085425-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-9-2662024085418-1000x0.jpg&w=1001&h=0)
कम्बाइन्ड हार्भेस्टर भनिने ठूलो मेशिन अहिले चितवनको चैते धान पाकेका फाँटहरुमा छ्याप छ्याप्ती देखिन्छन् । यो मेसिनले पाकेको धान काटेर पराल एकातिर, धानको दाना एकातिर बनाउँछ । खेतमै पुगेको ट्रयाक्टरको ट्रलीमै धान खन्याइदिन्छ । काट्ने, मुठा बाँध्ने, बोक्ने, धान झार्ने जस्ता काम गर्नै नपर्ने भएका कारण बर्खायाममा धान स्याहार्न कम्बाइन हार्भेस्टर किसानका लागि ठूलो सहयोगी भएको छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-7-2662024085405-1000x0.jpg&w=1001&h=0)
यो मेसिन नहुँदा असारको वर्खामास पाक्ने चैते धान भित्राउन निकै गाह्रो हुने गरेको चितवन खैरहनी नगरपालिका–१२ सिसहनीकी रिता रेग्मीले बताइन् । चितवनमा चैते धानको खेति विशेष गरेर जिल्लाको पुर्वी भेगमा पर्ने रत्ननगर, खैरहनी र राप्ती नगरपालिकाको राजमार्गदेखि दक्षिण राप्ती नदी आसपासका बढी हुने गरेको छ । १०/१५ वर्षयता चितवनमा चैते धान काट्न कम्बाइन हार्भेस्टरको प्रयोग बढ्दो छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-6-2662024085358-1000x0.jpg&w=1001&h=0)
यो बेला खेतमा धान स्याहार्ने कम्बाइन हार्भेस्टर मात्रै हैन रोप्ने मेसिनहरू पनि देखा परेका छन् । प्रधानमन्त्री कृषि आधुनिकिकरण परियोजना परियोजना कार्यान्वन इकाइ भरतपुका अधिकारीहरूका अनुसार ८० प्रतिशतभन्दा धेरै किसानले चैते धान स्यार्न कम्बाइन हार्भेस्टर प्रयोग गर्दछन् । धान रोप्ने मेसिनको प्रयोग त्यो अनुरुप भने छैन । चार वर्षयता प्रयोग गर्ने किसानको संख्या बढ्दो छ । चितवनमा मेसिनले धान रोप्न सुरु गरेको १० वर्ष भयो ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-4-2662024085344-1000x0.jpg&w=1001&h=0)
प्रधानमन्त्री कृषि आधुनिकिकरण परियोजना परियोजना कार्यन्वन इकाइ भरतपुका प्रमुख महेश रेग्मीका अनुसार धान रोप्ने मेसिन चितवनमा ६ वटा छन् । तर कम्तिमा दुई सय मेसिन यहाँ आवश्यक छ । परम्परागत तरिकाले धान खेति गर्दै आएका किसानहरू झट्टै मेसिन तर्फ आकर्षित नहुने उनको अनुभव छ । मेसिनले धान रोप्न ठुला गह्रा, समथर जमिन, पानीको उचित मात्रा आवश्यक हुन्छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-8-2662024085412-1000x0.jpg&w=1001&h=0)
धानको बीउ राख्दा नै छुट्टै तरिकाले ट्रेमा राख्नु पर्दछ । त्यसैले अनुभव नभएका किसानहरूले झण्झट मान्न सक्छन् । तर मेसिनले रोप्ने किसानहरूले यसैमा जोड गर्ने प्रधानमन्त्री कृषि आधुनिकिकरण परियोजना परियोजना कार्यन्वन इकाइ भरतपुका कृषि अधिकृत तथा सूचना अधिकारी इन्द्र ढुंगनाले बताए । खर्च कम लाग्ने र धेरै फल्ने हुँदा मेसिनले धान राप्नु फाइदाजनक छ भन्छन् उनी ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-3-2662024085338-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-2-2662024085326-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/dhan-khetma-machine-1-2662024085332-1000x0.jpg&w=1001&h=0)