खेलकुदमन्त्री श्रेष्ठ दक्षिण कोरिया प्रस्थान
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — दक्षिण कोरिया सरकारको निमन्त्रणामा युवा तथा खेलकुदमन्त्री विराजभक्त श्रेष्ठ औपचारिक भ्रमणका लागि शुक्रबार त्यसतर्फ गएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![खेलकुदमन्त्री श्रेष्ठ दक्षिण कोरिया प्रस्थान](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/mjiricea-2862024044156-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
एक साताको कोरिया भ्रमणमा मन्त्री श्रेष्ठले विभिन्न कार्यक्रममा भाग लिनेछन् । उनी इमिनेन्ट साउथ एसियन डिग्निटेरिज र नेपाल दूतावासद्वारा आयोजित लगानी समिटमा सहभागी हुनेछन् । लगानी सम्मेलनमा पीपीपी मोडलमा खेलकुदको भौतिक पूर्वाधार, खेलकुद प्रविधि, टुरिजम र हाइड्रो प्रोजेक्टको विषयमा केन्द्रित हुने मन्त्री श्रेष्ठले बताएका छन् ।
कोरियन स्पोर्ट्स एन्ड ओलम्पिक कमिटीका अध्यक्ष ली की हुङ र वर्ल्ड तेक्वान्दोका अध्यक्ष चुङवाङ चावोसँग पनि भेटवार्ता गर्नेछन् । कोरियन स्पोर्ट्स एन्ड ओलम्पिक कमिटीसँगको भेटमा आगामी एसियाली खेलकुदका लागि प्रशिक्षण र प्राविधिक सहयोगको विषयमा छलफल गरिने जनाइएको छ ।
वर्ल्ड तेक्वान्दोका अध्यक्षसँग दोलखाको शैलुङको हाइअल्टिच्युट ट्रेनिङ सेन्टर निर्माणपछि मान्यताको विषयलाई प्रमुख एजेन्डाको रूपमा राखिने भएको छ ।
कोरियन नेसनल स्पोर्ट्स युनिभर्सिटी भ्रमण र कोरियन एन्टी डोपिङ एजेन्सी (काडा)सँग पनि भेट्ने कार्यक्रम छ । मन्त्री श्रेष्ठले शुक्रबारै प्रधानमन्त्री पुष्पकमल दाहाललाई भेटेर भ्रमणबारेमा जानकारी गराएका थिए । मन्त्री श्रेष्ठका साथमा स्वकीय सचिव प्रदीप ज्ञवाली पनि कोरिया गएका छन् । मन्त्री श्रेष्ठ असार २२ मा नेपाल फर्किने मन्त्रालयले जनाएको छ ।
प्रकाशित : असार १४, २०८१ २०:२७