संघीय मामिलाका २४ दरबन्दी कटौती

मन्त्रालयमा कर्मचारीको दरबन्दी १ सय ७२ बाट १ सय ४८ मा झारिएको छ । उपसचिव २, शाखा अधिकृत ७, नायव सुब्बा ३, खरिदार ६, टाइप नासु २, कम्प्युटर अपरेटर २ र कार्यालय सहयोगी ३ जनाको दरबन्दी घटाइएको छ । त्यस्तै मन्त्रालयको प्रशासन महाशाखालाई विभाजन गरेर आन्तरिक व्यवस्थापन महाशाखा थपिएको छ ।

प्रशासन महाशाखाले अब कर्मचारी सरुवा तथा बढुवाको काम मात्र गर्नेछ । सूचना प्रविधि शाखामा रहेको प्रशासन सेवाको दरबन्दी कटौती गरेर प्राविधिक दरबन्दी बनाइएको हो ।

सूचना प्रविधि शाखालाई आन्तरिक व्यवस्थापन महाशाखाअन्तर्गत राखिएको छ । कर्मचारी समायोजन तथा संगठन विकास महाशाखा खारेज गरिएको छ । अब समायोजनसँग सम्बन्धित काम आन्तरिक व्यवस्थापन महाशाखाले हेर्नेछ ।