जसपाको परीक्षाको घडी हो, उपेन्द्रजीले खुट्टा दर्हो टेक्नुभएको छ : नेपाल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
जनकपुर — नेकपा(एस)का अध्यक्ष माधवकुमार नेपालले उपेन्द्र यादव नेतृत्वको जनता समाजवादी पार्टी नेपाल चुनौतिविच अगाडि बढिरहेको बताएका छन् । उनले विचार र मन मिलेकाले जसपालाई एकैसाथ अगाडी बढ्न पनि आग्रह गरे ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![जसपाको परीक्षाको घडी हो, उपेन्द्रजीले खुट्टा दर्हो टेक्नुभएको छ : नेपाल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/madhav-nepal-1952024013126-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
‘जसपाका लागि अहिले परीक्षाको समय हो । उपेन्द्रजीले खुट्टा कमाउनु भएको छैन,’ जसपा नेपालको प्रथम महाधिवेशन उद्घाटन समारोहमा बोल्दै पूर्व प्रधानमन्त्री नेपालले भने,‘उपेन्द्रजी पार्टीभित्र र वाहिरका सबै चुनौतिको सामना गर्न भिड्नु भएको छ । संघ र प्रदेश सरकारमा हामी संगै थियौ । समाजवादी मोर्चामा सँगै छौं ।’
नेकपा(एस)का अध्यक्ष नेपालले जसपा नेपालसँग विचार र मन मिलेकाले एकैसाथ अगाडी बढ्न निम्तोसमेत दिए । ‘हामी मिलेर अगाडी बढ्नुपर्छ । विचार र मन मिले एकैसाथ हिँड्न अरु कुरा बाधक हुँदैन,’ नेपालले भने,‘राजनीतिमा स्वार्थी, व्यक्तिवादी, डाहा–रिस गर्ने प्रवृति बढेको छ । मैले के पाएँ भन्दापनि मैले के दिएँ, त्यो चिन्तनबाट काम गर्नुपर्छ ।’
यस्तै, महाधिवेशनमा राष्ट्रिय स्वतन्त्र पार्टीका उपाध्यक्ष स्वर्णिम वाग्लेले संविधानमा देखिएका समस्या संविधानकै प्रावधान टेकेर सच्याउनुपर्ने बताए । ‘राजनीति नारामा मात्र रुम्लियौं । जनतालाई डेलेभरी दिएनौं भने समस्या हुन्छ,’ उनले भने,‘व्यक्ति र दललाई खुइल्याएर होइन, सिस्टमको खोटलाई पहिचान गर्दै सच्याउनुपर्छ ।’ उनले महाधिवेशनले जसपालाई नयाँ उर्जा पाओस भन्ने शुभकामना पनि दिए ।
जनता समाजवादी पार्टी नेपालको जनकपुरमा सोमबार अपरान्हदेखि सुरु भएको प्रथम महाधिवेशनको पार्टीका अध्यक्ष उपेन्द्र यादवले पानसमा बत्ती बालेर महाधिवेशनको शुभारम्भ गरेका छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)