प्रेस स्वतन्त्रताबिना लोकतन्त्र दिगो हुँदैन : पूर्वराष्ट्रपति यादव
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
पोखरा — पूर्वराष्ट्रपति रामवरण यादवले प्रेस स्वतन्त्रताबिना लोकतन्त्र दिगो नहुने बताएका छन् । पोखरामा शुक्रबार पत्रकार महासंघ कास्कीको ई–लाइब्रेरी तथा स्रोत केन्द्रको उद्घाटन गर्दै उनले सञ्चार जगतले नै लोकतन्त्रलाई बलियो बनाएको बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![प्रेस स्वतन्त्रताबिना लोकतन्त्र दिगो हुँदैन : पूर्वराष्ट्रपति यादव](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/img9938-2452024062339-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उनले पोखराको पुस्तकालयको इतिहासमा महासंघले इँटा थप्ने काम गरेको उल्लेख गरे । पठन संस्कृति विकासमा महासंघ कास्कीले स्थापना गरेको पुस्तकालय तथा स्रोत केन्द्रले महत्त्वपूर्ण भूमिका खेल्ने उनको भनाइ थियो ।
गण्डकी प्रदेशसभा सदस्य विन्दुकुमार थापाले पत्रकारका लागि निर्माण गरिएको पुस्तकालय एवं स्रोत केन्द्रको स्थापनाले अध्ययन शैलीमा परिवर्तन आउने उल्लेख गरे । प्रेस स्वतन्त्रतालाई आत्मसात् गर्दै सामाजिक उत्तरदायित्व वहन गर्न पुस्तकालय महत्त्वपूर्ण साबित हुने उनले बताए ।
नेपाल पत्रकार महासंघका वरिष्ठ उपाध्यक्ष रमेश विष्टले केन्द्रले गर्न नसकेको काम कास्की शाखाले गरेको उल्लेख गरे । उनले केन्द्रले पनि पुस्तकालय निर्माण कार्यलाई अगाडि बढाएको तर आर्थिक स्रोतको आभावमा पूरा गर्न नसकेको हुँदा ४० प्रतिशत काम थाती रहेको बताए ।
पत्रकार महासंघ कास्कीकी अध्यक्ष विमला भण्डारीले ई–लाइब्रेरी निर्माणले कास्की र गण्डकी प्रदेशका पत्रकारको क्षमता अभिवृद्धिमा सहयोग पुग्ने उल्लेख गरिन् । कानुन, संचार तथा प्रदेशसभा मामिला मन्त्रालय गण्डकी प्रदेशको ४० लाख र पोखरा महानगरपालिकाको १५ लाखको आर्थिक सहयोगमा पत्रकार महासंघ कास्कीको पत्रकार पुस्तकालय (ई–लाइब्रेरी) र स्रोत केन्द्रको स्थापना गरिएको उनले जानकारी दिइन् ।
पुस्तकालयमा मार्टिन चौतारी, अनौपचारिक क्षेत्र सेवा केन्द्र (इन्सेक), प्रेस काउन्सिल नेपाल, केन्द्रीय पुस्तकालय त्रिभुवन विश्वविद्यालय, राष्ट्रिय तथा आवासीय विद्यालय एसोसियसन नेपाल (एन-प्याब्सन) लगायतले पुस्तक सहयोग गरेका छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)