दिगो विकासका लक्ष्यअनुरुप बजेट र कार्यक्रम ल्याइनुपर्छ : सांसद पन्थ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — नेपाली कांग्रेसका सांसद प्रकाश पन्थले सरकारले दिगो विकासका लक्ष्य हासिल हुने गरी बजेट र कार्यक्रम ल्याउनुपर्ने बताएका छन् । बिहीबारको राष्ट्रिय सभा बैठकमा उनले आगामी आर्थिक वर्ष २०८१/०८२ को बजेटका सिद्धान्त र प्राथमिकतामाथिको छलफलमा सरकारले बजेट बनाउँदा दिगो विकासका लक्ष्यहरु अगाडि राखेर काम गर्नुपर्ने बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![दिगो विकासका लक्ष्यअनुरुप बजेट र कार्यक्रम ल्याइनुपर्छ : सांसद पन्थ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/prakash-pantha-03122023065102-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उनले विनियोजनको सिद्धान्त र प्राथमिकता व्यवस्था परिवर्तनसँगै अवस्था परिवर्तनको महशुस हुने गरी सर्वसाधारण जनताको जीवनस्तर परिवर्तनलाई केन्द्रमा राखेर संशोधन गर्नुपर्ने बताए । भ्रष्टाचारको अन्त्य र सुशासनको सुनिश्चितता अहिलेको आवश्यकता रहेको उनको भनाइ थियो ।
‘दिगो विकासका लक्ष्य हासिल हुने गरी अबको बजेट र कार्यक्रम आउन जरुरी छ । विनियोजनको सिद्धान्त र प्राथमिकता व्यवस्था परिवर्तनसँगै अवस्था परिवर्तनको महशुस हुने गरी सर्वसाधारण जनताको जीवनस्तर परिवर्तनमा केन्द्रीत गर्न आवश्यक छ,' उनले भने, 'स्थानीय तह र प्रदेशलाई अधिकार सम्पन्न गराउने गरी, बलियो र सक्षम बनाउने गरी संघीयता सबलीकरणमा फोकस गर्नुपर्छ ।'
उनले मुलुकको समृद्धिको लागि सामाजिक न्याय अपरिहार्य भएको दाबी गरे ।
![](https://assets-cdn.ekantipur.com/uploads/source/ads/900-x-100-1-0282024055738.gif)