प्रतिनिधिसभा सचिव पाण्डेयको राजीनामा स्वीकृत
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — प्रतिनिधिसभा सचिवबाट पद्मप्रसाद पाण्डेयले दिएको राजीनामा स्वीकृत गरिएको छ । राष्ट्रपति रामचन्द्र पौडेलले प्रतिनिधिसभा सचिवबाट पाण्डेयले दिएको राजीनामा स्वीकृत गरिएको राष्ट्रपतिको कार्यालयले जानकारी दिएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![प्रतिनिधिसभा सचिव पाण्डेयको राजीनामा स्वीकृत](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/padmaraj-pandey-2012024085327-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
राष्ट्रपति कार्यालयका प्रवक्ता शैलजा रेग्मी भट्टराईले मंगलबार प्रतिनिधिसभा सचिव पाण्डेयले दिएको राजीनामा स्वीकृत गरिएको जानकारी दिएका छन् ।
'राष्ट्रपति रामचन्द्र पौडेल समक्ष संघीय संसदका कार्यवाहक महासचिव पद्मप्रसाद पाण्डेयले संघीय संसदका महासचिव, प्रतिनिधिसभाका सचिव तथा राष्ट्रियसभाका सचिवको पारिश्रमिक, सेवाको शर्त र सुविधा सम्बन्धी ऐन, २०७५ को दफा ६ को खण्ड (क) बमोजिम प्रतिनिधिसभाको सचिव पदबाट मिति २०८० माघ २३ गते दिनुभएको राजिनामा सोही मितिदेखि लागु हुनेगरी राष्ट्रपतिले स्वीकृत गर्नुभएको छ,' राष्ट्रपति कार्यालयले जारी गरेको विज्ञप्तिमा उल्लेख छ ।
पाण्डेयलाई सभामुख देवराज घिमिरे र राष्ट्रिय सभा अध्यक्ष गणेशप्रसाद तिमिल्सिनाले संघीय संसद्को महासचिवमा सिफारिस गरेका छन् । महासचिव सिफारिस भएको २ महिना पुग्नलाग्दासमेत नियुक्ति नभएपछि पाण्डेयले प्रतिनिधिसभा सचिवबाट राजीनामा दिएका हुन् ।
मंसिर २५ मा पाण्डेयलाई महासचिवमा सिफारिस गरिएको थियो । तर, रीत नपुगेको भन्दै राष्ट्रपतिले नियुक्ति रोकेका थिए । पाण्डेयले प्रतिनिधिसभाको सचिवबाट राजीनामा नगरी महासचिवमा सिफारिस गरिएको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)