राष्ट्रिय सभा निर्वाचन : लुम्बिनीमा एक घण्टामा ४१ प्रतिशत मत खस्यो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
बुटवल — लुम्बिनी प्रदेशबाट राष्ट्रिय सभाका दुई सिटका लागि दाङको घोराहीस्थित कर्मचारी मिलन केन्द्र परिसरमा जारी मतदानमा अहिलेसम्म ४१ प्रतिशत मतदान भएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![राष्ट्रिय सभा निर्वाचन : लुम्बिनीमा एक घण्टामा ४१ प्रतिशत मत खस्यो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/cm-dilli-chaudhari-dang-1-2512024060308-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
मतदान दिउँसो ३ बजेसम्म हुनेछ । निर्वाचन आयोगले आजै मतगणना गरेर नतिजा सार्वजनिक गर्ने गरी तयारी गरिरहेको छ ।
बिहान ९ बजेदेखि सुरु मतदानमा प्रदेशतर्फ लुम्बिनी प्रदेशका मुख्यमन्त्री डिल्लीबहादुर चौधरीले र स्थानीय तहतर्फ घोराही उपमहानगरपालिकाका प्रमुख नरुलालचौधरीले पहिलो मतदान गरेका थिए ।
निर्वाचन कार्यालयका सूचना अधिकारी गेहेन्द्र कुँवरका अनुसार प्रदेसभातर्फ ८७ मतमध्ये ३४ र स्थानीय तहतर्फ २ सय १८ मतमध्ये ९४ मत खसेको छ । लुम्बिनी प्रदेशमा ८७ जना प्रदेश सभा सदस्य र दुई सय १८ जना स्थानीय तहका प्रमुख र उपप्रमुख गरी तीन सय ५ जना मतदाता रहेका छन् । लुम्बिनीबाट राष्ट्रिय सभाका लागि गठबन्धनबाट महिलातर्फ नेपाली कांग्रेसकी विष्णुकुमारी सापकोटा र अन्यतर्फ माओवादीका झक्कुप्रसाद सुवेदी उम्मेदवार छन् ।
त्यस्तै एमालेबाट अन्यतर्फ झपेन्द्रबहादुर घर्ती र महिलातर्फ तुलसा केसी, राप्रपाबाट विजयालक्ष्मी सिंह र जनमत पार्टीबाट अन्यतर्फ बालगोविन्द चौधरी उम्मेदवार रहेका छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)