मत्स्येन्द्रनाथको रथ दुई दिन रोकेर मर्मत गरिने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
ललितपुर — रातो मत्स्येन्द्रनाथको रथ शुक्रबार र शनिबार दुई दिन रोकेर मर्मत गरिने ललितपुर गुठी संस्थानले जनाएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![मत्स्येन्द्रनाथको रथ दुई दिन रोकेर मर्मत गरिने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/ratomachchindranathrathjatra202405111638-1152024063143-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
रथ तान्नेक्रममा निकै नै ढल्किएकाले दुई दिन रोकेर मर्मत गर्ने निर्णयमा पुगेको गुठी संस्थान ललितपुरका प्रमुख बैकुण्ठ आर्चायले बताए । ‘देवता रहेको गर्भगृहको भागमा भाँच्चिएको काठ फेरिसकेका छौं,’ उनले भने ।
मुलुकको सबभन्दा लामो जात्राको रुपमा मनाइने रथ जात्रामा हुने सक्ने सम्भावित चोरी, झै-झगडालगायतका दुर्घटनालाई रोक्न प्रहरी तयारी अवस्थामा रहेको जिल्ला प्रहरी परिसरले जनाएको छ । ललितपुर प्रहरी प्रमुख एसएसपी शेखर खनालले बहुमूल्य मूर्ति, बहुमूल्य धातु, गरगहनाको सुरक्षा, रथयात्रामा हुने भीडभाडमा मानिसको जीउधन सुरक्षाको दृष्टिकोणले प्रहरी खटाइएको बताए । ‘भीडभाडमा हुन सक्ने पाकेटमार, झै–झगडालाई लक्षित गरेर सिभिल ड्रेसमा पनि प्रहरी परिचालन गरेका छौं,’ उनले भने ।
रथयात्रा गत शनिबारबाट सुरु गरिएको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)