सिटिजन्स र विनायक अस्पतालबीच छुट सम्झौता
काठमाडौँ — सिटिजन्स बैंक र काठमाडौंस्थित विनायक अस्पताल तथा प्रसूति गृहबीच सिटिजन्स बैंकका ग्राहकलाई विशेष छुट दिने समझदारीपत्र भएको छ । सिटिजन्स बैंकका कार्डबाहक र मोबाइल बैंकिङ ग्राहकले विनायक अस्पताल तथा प्रसूति गृहका सेवामा १० प्रतिशतसम्म छुट पाउनेछन् ।
यो सहकार्यबाट बैंकका ग्राहक लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुने विश्वास बैंकले लिएको छ । बैंकले डिजिटल बैंकिङ माध्यमको प्रयोगलाई बढाउन र ग्राहकलाई डिजिटल माध्यमबाट भुक्तानी गर्न प्रोत्साहन गर्न समय–समयमा ग्राहकमैत्री सुविधा सञ्चालन गर्दै आएको छ । देशभर सिटिजन्स बैंकका १९० वटा शाखा, १५२ वटा एटीएम र ९७ वटा शाखारहित बैंकिङ छन् ।
प्रकाशित : माघ २१, २०८० १३:२१प्रतिक्रिया