एभरेष्ट अस्पतालमा सेवा विस्तार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — काठमाडौंको बानेश्वरमा रहेको एभरेष्ट अस्पताल प्रालिले सेवा विस्तार गर्ने भएको छ । अस्पतालले बिहीबार पत्रकार सम्मेलन गरेर शनिबारदेखि सेवा विस्तार गरिने जानकारी दिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![एभरेष्ट अस्पतालमा सेवा विस्तार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/eves-0472024065426-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
अस्पतालका अनुसार शनिबारबाट ब्लड बैंक स्थापना तथा सेवा, हेमोडायलिसिस स्थापना तथा सेवा, दन्त विभाग स्थापना तथा सेवा, नेत्र विभाग स्थापना तथा सेवा, एनआईसीयू विभाग स्थापना तथा सेवा प्रारम्भ हुनेछन् ।
तीन दशकदेखि सञ्चालनमा रहेको एभरेष्ट अस्पतालले सेवा थप गरेको दिन रक्तदान र नि:शुल्क स्वास्थ्य शिविरसमेत राखेको जनाएको छ । जसअनुसार अस्पतालले ५०० युनिट रगत संकलन गर्ने लक्ष्यसहित बृहत् रक्तदान कार्यक्रम, नि:शुल्क मिर्गौला जाँच शिविर, सुगर, युरिया, क्रियाटिनिन जाँच, दन्त स्वास्थ्य शिविर, आँखा परीक्षण शिविरलगायत छन् ।
१ सय ५० जनालाई नि:शुल्क सेनेटरी प्याड वितरण र १ सय ५० जनालाई सय रुपैयाँमा अल्ट्रासाउन्ड सेवा प्रदान गरिनेछ । आँखा स्वास्थ्य शिविरमा २ सय वटा चश्मा नि:शुल्क वितरण, पहिले नाम दर्ता गराउने १० जना बिरामीलाई नि:शुल्क डायलसिस सेवा प्रदान गरिने अस्पतालले जनाएको छ ।
कार्यक्रम तथा स्वास्थ्य शिविर बिहान १० बजेदेखि हस्पिटल परिसरमा हुने छ । समुदायलाई स्वास्थ्य सेवा प्रदान गर्दै जनचेतना फैलाउन कार्यक्रम आयोजना गरेको एभरेष्ट अस्पतालले जनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)