पर्यटक बोलाउन नेपाली व्यवसायी बंगलादेश उडे
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — गर्मीयाममा नेपाल भ्रमण रुचाउने बंगलादेशी पर्यटकको संख्या वृद्धि गर्न भन्दै नेपालका पर्यटन व्यवासायीहरुको टोली ढाकातर्फ लागेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![पर्यटक बोलाउन नेपाली व्यवसायी बंगलादेश उडे](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/group-photo-1-0472024035031-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
होटल संघ नेपालका अध्यक्ष विनायक शाहको नेतृत्वमा २१ सदस्यीय होटल व्यवसायी लगायतको टोली बिहीबार त्यसतर्फ लागेको हो । होटल संघ नेपालले बंगलादेशस्थित नेपाली दूतावाससँगको सहकार्यमा चार दिन त्यहाँ नेपालको प्रवर्द्धनात्मक कार्यक्रम गर्ने जनाएको छ ।
हानका महासचिव साजन शाक्यका अनुसार, बंगलादेशको ढाकामा तय गरिएको कार्यक्रममा बंगलादेशका छुट्टाछुट्टै सहरका प्रतिष्ठित पर्यटन व्यवसायी, टूर अपरेटर तथा बंगलादेशी सरकारी विशिष्ट अधिकारीहरुसँग पर्यटन प्रवर्द्धनात्मक कार्यक्रम गरिने छ ।
बंगलादेशमा आयोजना हुन लागेको यस कार्यक्रमले उक्त मुलुक र त्यस क्षेत्रबाट नेपाल भ्रमणमा आउने पर्यटकको संख्या वृद्धि गर्ने संघले दाबी गरेको छ । यस अवसरमा होटल संघ नेपाल र बंगलादेश इन्टरनेसनल होटल एसोसिएसनसँग दुई देशबीच पर्यटन प्रवर्द्धन, तालिम तथा होटल क्षेत्रमा भएका अभ्यासहरुको आदानप्रदानका लागि समझदारीपत्रमा हस्ताक्षर गर्ने कार्यक्रम छ ।
![](https://assets-cdn.ekantipur.com/uploads/source/ads/900-x-100-0172024023126.gif)