केएफसीको सोह्रौं शाखा सामाखुसीमा
काठमाडौँ — अन्तर्राष्ट्रिय फुड चेन ब्रान्ड केएफसीले नेपालमा सोह्रौं शाखा विस्तार गरेको छ । टोखा नगरपालिका वडानम्वर १० स्थित नर्थ सिटी मलमा केएफसी नेपालको आधिकारिक फ्रेन्चाइजी देवयानी इन्टरनेसलन नेपालले शाखा सञ्चालनमा ल्याएको हो । यस शाखामा एक पटकमा ५१ जनाले सेवा लिन सक्ने रेस्टुरेन्टले जनाएको छ ।
केएफसीका आउटलेटमा हट एण्ड क्रिस्पी चिकेन, चिकेन पपकर्न, चिकेन स्ट्रिप्स, बर्गर लगायत परिकार पाइन्छ । साथै अर्डर गरेर अनलाइनमार्फत रकम भुक्तानी गरी ग्राहकले द्रुत सेवा लिन सक्ने केएफसीले जनाएको छ । ‘यस रेस्टुरेन्टले बिहान ११ बजेदेखि रातको ११ बजेसम्म डाइन इन र टेक अवेमार्फत सेवा दिइरहेको छ’ एक विज्ञप्ति जारी गर्दै केएफसीले भनेको छ ‘फुडमान्डु, भोज डिल र पठाओ फुडका डेलिभरी सेवामार्फत घरै बसेर विश्वस्तरीय परिकारको मज्जा लिन सकिनेछ ।’ कम्पनीका अनुसार हरेक ग्राहकले कस्टमर स्कृनबाट आफूले अर्डर गरेको परिकार बनाइरहेको समेत ट्रयाकिङ गर्न सक्नेछन् ।
