कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: २०९

काठमाडौंमा चैत १७ देखि फ्लोरा एक्स्पो हुने 

काठमाडौँ — चैत १७ गतेदेखि काठमाडौंको भृकुटीमण्डपमा फूलहरुको (फ्लोरा) एक्स्पो हुने भएको छ । फ्लोरिकल्चर एसोसिएसन नेपालले ३ दिनसम्म एक्स्पो आयोजना गर्न लागेको हो । आयोजित पत्रकार सम्मेलनमा बोल्दै मेला संयोजक शिवबहादुर खड्काले पुष्प व्यवसायको विकास र विस्तार तथा प्रवर्द्धन गर्ने उद्देश्यले २४ औं फ्लोरा एक्स्पो गर्न लागिएको बताए ।

काठमाडौंमा चैत १७ देखि फ्लोरा एक्स्पो हुने 

पुष्प प्रदर्शनीले प्रत्यक्ष एवं परोक्ष रुपमा पुष्प व्यवसायको विकास र प्रवर्द्धनमा महत्त्वपूर्ण योगदान गर्ने उनको भनाइ छ । उनका अनुसार एक्स्पोमा ६२ व्यवसायिक, ३ ल्याण्डस्केपिङ १० अफिसियल, ३ प्रतियोगिता प्रदर्शनी र २ वटा फूड स्टलसहित ८० स्टल रहनेछ । मौसमी फूल फूल्ने तथा नफूल्ने आलंकारिक बिरुवा, कट फ्लावर, सुनाखरी, कम्पोस्ट मल, फूलको गानो, बीउबिजन लगायत बिक्री कक्षमा राखिने उनले बताए । उनका अनुसार प्रदर्शनीमा व्यवसायीहरुले उत्पादन गरेका बिरुवाबीच प्रतिस्पर्धा गराएर नगद पुस्कार समेत प्रदान गरिनेछ ।

एसोसिएसनका अध्यक्ष मिनबहादुर तामाङले अहिलेसम्म ४५ वटा स्टलहरु बुकिङ भएको बताए । प्रदर्शनीमा सरकारको कुनैपनि सहयोग नभएकाले विगतको भन्दा स्टलमा ५ हजार रुपैयाँ वृद्धि गरिएको उनको भनाइ छ । प्रदर्शनीमा प्रवेश गर्नको लागि विद्यार्थीहरुलाई १ सय र अन्यलाई १५० रुपैयाँ शुल्क तोकिएको छ ।


प्रकाशित : चैत्र १३, २०७९ १६:१८
प्रतिक्रिया
पठाउनुहोस्
जनताको राय

नेपाल संघीय लोकतान्त्रिक गणतन्त्र घोषणा भएको १६ वर्ष पुरा भएको छ । गणतन्त्रको गति कस्तो लागिरहेको छ ?