२०.१२°C काठमाडौं
काठमाडौंमा वायुको गुणस्तर: २२८

नक्साल र बालकुमारीमा खुल्यो रोयल इन्फिल्डको सोरूम

काठमाडौँ — रोयल इन्फिल्ड मोटरसाइकलको नेपालका लागि आधिकारिक बिक्रेता अल्फा अटोमोटिभ प्रालिले काठमाडौंको नक्साल र कोटेश्वरस्थित बालकुमारी पुलनजिक दुई ठाउँमा सोरूम सञ्चालनमा ल्याएको छ । त्रिवेणी ग्रुपका अध्यक्ष पुरुषोत्तमलाल संघाईले विशेष कार्यक्रम बीच सोरूमको उद्घाटन गरे । 

नक्साल र बालकुमारीमा खुल्यो रोयल इन्फिल्डको सोरूम

रोयल इनफिल्ड मोटरसाइकल सोरूम ‘वाइकर्स होम’को अवधारणामा निर्माण गरिएको अल्फा अटोमोटिभले जनाएको छ । कम्पनीका अनुसार यी सोरुमबाट बाइक, राइडिङ गियर, जेनविन मोटरसाइकल एसेसरिज, स्पेयर पार्टस् बिक्री तथा बिक्रीपछिका सेवा प्रदान गरिनेछ । रोयल इनफिल्डले सन् १९०१ देखि मोटरसाइकल उत्पादन गर्दै आएको छ ।

हाल नेपालमा यो मोटरसाइकलका ६ वटा सोरूम सञ्चालनमा छन् । नक्साल, कोटेश्वर, पोखरा, बुटवल, धरान र इटहरीमा सोरूम सञ्चालन भइरहेको छ भने चैत महिनाभित्र बिर्तामोड, टाँडी, सुर्खेत र भक्तपुरमा सञ्चालनमा ल्याइने कम्पनीले जनाएको छ । त्यस्तै असार महिनाभित्र थप ८ वटा सोरूम विराटनगर, राजविराज, जनकपुर, हेटौंडा, नारायणगढ, दाङ, नेपालगन्ज र त्रिपुरेश्वरमा सञ्चालनमा ल्याइने कम्पनीको दाबी छ ।


प्रकाशित : चैत्र ८, २०७९ १९:०३
प्रतिक्रिया
पठाउनुहोस्
जनताको राय

भारतका २ ब्रान्डका गुणस्तरहीन मसला आयतमा प्रतिबन्ध लागेको छ । अन्य खाद्य सामग्रीबारे पनि अब सरकारले मुख्य रुपमा के गर्नुपर्छ ?