२०.१२°C काठमाडौं
काठमाडौंमा वायुको गुणस्तर: २२८

आईएमएसले भन्यो : विमानस्थलको नयाँ आगमन मार्ग सहज बनाइन्छ

काठमाडौँ — त्रिभुवन अन्तर्राष्ट्रिय विमानस्थलबारे केही दिनअघि सार्वजनिक भएको आगमन कक्षको ट्राभलेटरसँग सम्बन्धित सार्वजनिक  गुनासो तथा समस्याबारे गम्भीर ध्यानाकर्षण भएको आईएमएस ग्रुपले जनाएको छ । ग्रुप अन्तर्गतको आईएमएस एयरपोर्ट सर्भिसेज प्रालिले विमानस्थल व्यवस्थापन गर्दै आएको छ ।

आईएमएसले भन्यो : विमानस्थलको नयाँ आगमन मार्ग सहज बनाइन्छ

अन्तर्राष्ट्रिय विमानस्थलका यात्रु बाहिर निस्किने मार्ग, प्रतिक्षा कक्ष तथा पार्किङ क्षेत्रलाई सहज, सुरक्षित बनाउने ग्रुपले प्रतिबद्धता जनाएको छ । एक विज्ञप्ति जारी गर्दै आईएमएसले भनेको छ ‘आगमन कक्षमा जतिसक्दो छिटो १० यात्रु क्षमताको नयाँ एलिभेटर थपिनेछ जसले आगमन कक्षको उक्त क्षेत्रमा हुने भीडभाड व्यवस्थापनमा सहज हुनेछ र समस्याहरु न्यूनीकरणमा सहयोग गर्नेछ ।’

त्यस्तै विमानस्थलको आगमन कक्षमा ह्विल लकिङ सिस्टम भएका ट्रलीहरु र प्रस्थान कक्षका ह्विल लकिङ सिस्टम नभएका ट्रलीहरु मिसमास नहोस् भन्नका लागि उच्च सतर्कता अपनाइने कम्पनीले जनाएको छ । त्यहाँ भएका ट्रलीहरु नियमित रुपमा मर्मतसम्भार गरिने आईएमएसले जनाएको छ । ह्विल लकिङ सिस्टम नभएका ट्रलीहरु प्रस्थान कक्षबाट आगमन कक्षमा पुगेर नयाँ ट्रलीहरुसँग मिसमास भइरहेपछि ट्राभलेटरमा ती पुराना ट्रलीहरुका कारण धेरै लगेज भएका यात्रुहरुका लागि समस्या भएको आईएमएसले जनाएको छ ।


प्रकाशित : माघ १८, २०७९ १८:३६
प्रतिक्रिया
पठाउनुहोस्
जनताको राय

भारतका २ ब्रान्डका गुणस्तरहीन मसला आयतमा प्रतिबन्ध लागेको छ । अन्य खाद्य सामग्रीबारे पनि अब सरकारले मुख्य रुपमा के गर्नुपर्छ ?