भाइबरका बिजनेस इनबक्स र कमर्सियल एकाउन्ट
काठमाडौँ — राकुटेन भाइबरले आफ्नो एपमा ब्रान्ड प्रयोगकर्ताबीच अन्तरक्रिया बढाउन दुई प्रमुख सुरुवात घोषणा गरेको छ । नयाँ प्रस्तावमा बिजनेस इनबक्स र खोजी गर्न मिल्ने कमर्सियल एकाउन्ट छन् ।
यो भाइबरको दीर्घकालीन सुपर एप रणनीतिको अर्को चरण बन्ने कम्पनीले जारी गरेको विज्ञप्तिमा उल्लेख छ । बिजनेस इनबक्स र कमर्सियल एकाउन्टले ग्राहकलाई आफ्नो अनुभव सुधार गर्न र ब्रान्ड भिजिबिलिटी बढाउन मद्दत गर्ने कम्पनीको भनाइ छ । ‘बिजनेस इनबक्स नयाँ कमर्सियल एकाउन्टको सुन्दर अनुभवका लागि अर्को कदम हो, जहाँ प्रयोगकर्ताले एकै ठाउँमा ब्रान्डसँग संलग्न हुने सबै तरिका पत्ता लगाउँछन्,’ विज्ञप्तिमा भनिएको छ ।
