भारतीय लोकसभा चुनाव : अयोध्यामा भाजपाको हार स्वीकार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — भारतीय लोकसभा चुनावामा महत्त्वपूर्णमध्ये एक मानिएको उत्तर प्रदेशको फैजाबाद(अयोध्या) सिटमा सत्तारुढ भारतीय जनता पार्टी(भाजपा) ले हार स्वीकार गरेको छ ।
![](https://assets-cdn.ekantipur.com/uploads/source/ads/900x100-0762024075620.gif)
![भारतीय लोकसभा चुनाव : अयोध्यामा भाजपाको हार स्वीकार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/lallu-singh-0462024013617-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
राम मन्दिर निर्माणलाई पूरै भारतभर चुनावी प्रचारका रूपमा प्रयोग गरे पनि भाजपाले अयोध्या रहेको फैजाबाद क्षेत्रमा हार बेहोरेको हो ।
भाजपाका निवर्तमान सांसद लल्लु सिंहले हार स्विकार्दै भनेका छन्, 'मैले तपाईंहरूको सम्मान बचाउन सकिनँ ।' भारतीय निर्वाचन आयोगले भने आधिकारिक रूपमा नतिजा सार्वजनिक गरेको छैन ।
पछिल्लो अपडेटअनुसार फैजाबादमा समाजवादी पार्टीका अवधेश प्रसाद भाजपा उम्मेदवार सिंहभन्दा ४८ हजार बढी मतले अगाडि रहेका छन् । सन् २०१४ र २०१९ मा फैजाबादमा लल्लु सिंहले समाजवादी पार्टीका उम्मेदवारलाई हराएको थियो ।
प्रकाशित : जेष्ठ २२, २०८१ १७:२१प्रतिक्रिया