दिल्लीमा नेपाल चर्चा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
दिल्ली — नेपाल र भारतबीचको सदियौं पूरानो सम्बन्धबारे दिल्लीमा चर्चा भएको छ । राजनीतिज्ञ, कुटनीतिज्ञ र पत्रकारिता क्षेत्रका दिग्गजहरुले दुई देशबीचको कसिलो सम्बन्ध विश्वका लागि उदाहरणीय रहेको बताएका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![दिल्लीमा नेपाल चर्चा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/img20240514184900-1552024123046-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
नेपालमा भारतका लागि पूर्व राजदूत केभी राजन र अतुल ठाकुरले संयुक्त रुपमा लेखेको पुस्तक ‘काठमाडुं क्रोनिकल’ को विमोचन समारोहमा नेपाल–भारतको सम्बन्धमाथि चर्चा भएको हो ।
भारतीय जनता पार्टीका पूराना तथा वरिष्ठ नेता मुरली मनोहर जोशीले भारतको राजनीतिमा कम प्राथमिकता तथा मिडियामा समेत पछाडि पारिँदै आएको नेपालसँगको सम्बन्धबारे चर्चा आवश्यक रहेकोमा जोड दिए । उनले दुई देशबीचको सम्बन्ध विश्वको धेरै इतिहासहरुभन्दा पूरानो रहेको दाबी गरे ।
दुई राष्ट्रको सिद्धान्तभन्दा अलग सामाजिक, सांस्कृतिक र धार्मिक कोणबाट हेर्दा सम्बन्ध अतुलनीय रहेको चर्चा गरे । उनले हजारौँ वर्ष पूरानो सम्बन्धबारे सबैले जानकारी राख्नुपर्नेमा जोड दिए। संस्कृतिले सधैंभरि दुई देशलाई जोड्दै आएपनि राजनीतिले अलग गर्दै आएको उनले बताए ।
पूर्व राजदूत राजनले नेपालमा रहँदाको आफ्नो अनुभव सुनाउँदै दुई देशबीच अद्वितीय सम्बन्ध रहेको बताए । कार्यक्रममा नेपालका उद्योगपति तथा सांसद विनोद चौधरी, पुस्तक लेखक अतुल ठाकुर लगायतले सम्बन्धको नयाँ आयामहरु बारे चर्चा गरे ।
![](https://assets-cdn.ekantipur.com/uploads/source/ads/900-x-100-0172024023126.gif)