चीनमा अहिलेसम्म करिब ३१ करोड डोज कोरोना खोप लगाइयो- विश्व - कान्तिपुर समाचार
कान्तिपुर वेबसाईट
AdvertisementAdvertisement

चीनमा अहिलेसम्म करिब ३१ करोड डोज कोरोना खोप लगाइयो

रासस/सिन्ह्‍वा

बेइजिङ — चीनमा शुक्रबारसम्म ३० करोड ८० लाखभन्दा डोजभन्दा कोभिड–१९ विरूद्धको खोप लिइसकेका त्यहाँको राष्ट्रिय स्वास्थ्य आयोगले जनाएको छ ।

फाइल तस्बिर : सिन्ह्वा

चीनको यो तथ्यांक कोभिड–१९ बाट विश्वव्यापीरूपमा संक्रमित हुनेको संख्या १५ करोड ७२ लाखभन्दा बढी पुगेको र एसियामा यसको प्रभाव उच्च रहेका समय आएको हो ।

चीनले शरीरको प्रतिरक्षा प्रणालीलाई विकास गर्न स्वदेशमा नै निर्माण गरिएको खोपलाई धेरैभन्दा धेरै नागरिकसमक्ष पुर्‍याउने अभियानलाई तीव्र पारिरहेको छ । बुधबार समाप्त भएको श्रमिक दिवसका अवसरको पाँच–दिने छुट्टीको समयमा, सरकारले कार्यतालिकालाई तीव्रता दिँदै खोपहरू लगाइँदै आएको छ ।

शुक्रबार विश्व स्वास्थ्य संगठन (डब्ल्यूएचओ) ले आपत्कालीन प्रयोगका लागि चीनमा निर्मित एक खोपलाई अनुमति दिएको छ । चिनियाँ खोप नागरिकको सुरक्षा, प्रभावकारिता र गुणस्तरको लागि डब्लुएचओको प्रमाणीकरण सूचीमा पर्ने विश्वको छैटौँ खोप बनेको छ ।

'महामारी नियन्त्रणका लागि खोप एक आशाको किरण भए पनि स्वास्थ्य सावधानीलाई अपनायनु नै सङ्कटमा स्वास्थ्य सुरक्षाका लागि उत्तम उपाय भएको,' महामारी नियन्त्रण तथा रोकथामका लागि चिनियाँ केन्द्रका प्रमुख महामारी विज्ञ वु जुनयूले बताए ।

विश्वव्यापी रोग प्रतिरोधात्मक अवरोध छोटो अवधिमा हासिल गर्न नसकिने भएकोले धेरै देश र क्षेत्रहरूमा खोपको दर अपेक्षाकृत कम रहेको केन्द्रले हालसालै जारी गरेको एक जानकारीमा बताइएको छ । केन्द्रले खोपको साथै रोगबाट जोगिन आत्म–सुरक्षाका उपायहरू अझै महत्वपूर्ण रहेको कुरा उल्लेख गरेको छ ।

*यसअघि करिब ३१ करोड डोज खोप हुनुपर्नेमा ३१ करोड नागरिकले लगाएको हुन गएकोमा सच्याइएको छ ।

प्रकाशित : वैशाख २६, २०७८ १०:०२
प्रतिक्रिया
पठाउनुहोस्

गाउँका बजार सुनसान

भीमबहादुर सिंह

जाजरकोट — कुशे गाउँपालिका–५, पाँचकटियाका प्रेमबहादुर थापाको खाद्य तथा किराना पसलमा सेवाग्राहीको दिनहुँ भीडभाड हुन्थ्यो । एक सातायता उनको पसल बन्द छ । पाँचकटियामा उनको जस्तै अन्य पसल पनि बन्द छन् ।

कोरोना र स्थानीय प्रशासनले लगाएको लकडाउनका कारण मान्छेको आउजाउ नहुँदा गाउँका पसल बन्द भएका हुन् । कोराना संक्रमण फैलिने त्रासले स्थानीयवासी हिँडडुल गर्न छाडेका छन् । यसले गर्दा बजार सुनसान देखिन्छन् । जिल्लाका कालीमाटी, पाँचकटिया, लिम्सा, थलह, मनघाट, छेडाचौर, तल्लुबगर, बाटुले, मटेलालगायत बजार सुनसान छन् । ग्रामीण बजारमा व्यापार–व्यवसाय गर्ने व्यापारीहरू पनि घरतिर लागेका छन् । मालवाहक र यात्रुवाहक सवारीसाधन पनि चल्दैनन् ।

‘गाउँका बजारहरू सुनसान छन्, मान्छेहरू सबै घरतिर गइसके,’ कुशे गाउँपालिका–५ का दीर्घ आरसीले भने, ‘बरु गाउँमा मान्छेहरू खेतीपाती गर्नतिर लागेका छन् ।’ स्थानीय बजार सुनसान भए पनि गाउँमा खेतीपातीको लहर चलेको छ । ‘गाउँमा परीक्षण नहुने भएकाले कसलाई कोरोना छ, कसलाई छैन भन्ने थाहा हुने कुरा भएन,’ उनले भने, ‘मान्छेहरू डर मानेर भए पनि खेतीपातीमा लागिरहेका छन् ।’

अर्कोतर्फ कोरोना संक्रमण फैलिएसँगै भारत र देशका विभिन्न ठाउँबाट घर फर्कनेको संख्या ह्वात्तै बढेको छ । रोजगारीका लागि विदेश गएका, अध्ययन गर्न सहरमा पसेका र व्यापार तथा जागिर गर्न गएकाहरू गाउँ फर्केका छन् । जाजरकोटमा शुक्रबारसम्म ३ सय १३ जनामा कोरोना संक्रमण देखिएको छ । स्वास्थ्य सेवा कार्यालय प्रमुख टीकाराम जैसीले संक्रमण बढ्न थालेपछि गाउँमा त्रास फैलिएको बताए । ‘बिरामीको संख्या बढ्दै गएको छ, उनीहरूलाई कहाँ राखेर उपचार गर्ने भन्ने योजना छैन,’ उनले भने, ‘स्थानीय तहहरूले आफ्नो क्षेत्रमा कोरोना प्रतिकार्य योजना बनाएर तत्काल काम गर्नुपर्ने देखिएको छ ।’ अधिकांश संक्रमित होम आइसोलेसनमा छन् ।

प्रकाशित : वैशाख २६, २०७८ १०:००
पूरा पढ्नुहोस्
प्रतिक्रिया
पठाउनुहोस्
×