आईसीटी अवार्ड २०२१ को अनलाइन आवदेन सुरु

असार ११, २०७८कान्तिपुर संवाददाता

काठमाडौँ — सूचना तथा सञ्चार प्रविधि क्षेत्रको आईसीटी अवार्ड २०२१ को अनलाइन आवदेन सुरु भएको छ । लिभिङ विथ आईसीटीको आयोजनामा आईसीटी अवार्डको छैटौं संस्करणको आवेदन बिहीबारदेखि सुरु भएको हो ।

विभिन्न्न ११ विधामा आवदेन खुला गरिएको हो । विधाहरुमा स्टार्टअप र प्रोडक्ट, व्यक्ति, सरकारी तथा निजी संस्थाहरुलाई प्रदान गरिने अवार्ड रहेका छन् । जसमा स्टार्ट, प्रडोक्ट, राइजिङ स्टार इन्नोभेसन, पायोनियर, नेपाली डायस्पोरा, आन्टरप्रेनर, वुमन आइकन, डिजिटल एजुकेसन, डिजिटल गभर्नेन्स, डिजिटल सर्भिसेस आइसिटी अवार्डलगायत छन् ।