कोशी प्रदेश टी–१० क्रिकेट : फूलबारी र विराट विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
विराटनगर — प्रथम कोशी प्रदेश दिवा–रात्रिकालीन टी–१० क्रिकेट प्रतियोगितामा विराटनगरको फूलबारी क्रिकेट क्लब र विराट स्पोर्टिङ क्लब विजयी भएका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![कोशी प्रदेश टी–१० क्रिकेट : फूलबारी र विराट विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/1-1-2852024044438-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
मंगलबारको पहिलो खेलमा फूलबारीले एलिट क्रिकेट क्बललाई १० विकेटले र दोस्रो खेलमा विराट स्पोर्टिङले पूर्वाञ्चल क्रिकेट एकेडेमीलाई ७ विकेटले पराजित गरेको हो । जितसँगै दुवै टिमले २–२ अंक जोडेका छन् ।
पहिलो खेलमा एलिटले दिएको ९९ रनको लक्ष्य फूलबारीले ५.५ ओभरमा बिनाक्षति पूरा गर्या । फूलबारीका ओपन आलोक मञ्जयले १५ बलमा अविजित ४८ रन बनाए । उनले ७ छक्का र १ चौका प्रहार गरे । उनी खेलको प्लेयर अफ द म्याच घोषित भए । खण्डक बोहराले २० बलमा ४८ रनको योगदान दिए । उनले ४ छक्का र ५ चौका हिर्काए । त्यसअघि पहिलो ब्याटिङ गरेको एलिटले ३ विकेट गुमाउँदै ९८ रनको चुनौती प्रस्तुत गर्दा अंकित गोस्वामीले १६ बलमा ३६ रन, सुशान्त मिश्रले १४ बलमा २४ रन र अभिषेक पलले १३ बलमा २० रनको योगदान गरेका थिए । फूलबारीका बलर भुवन कार्की, दिपक राज र एमडी कैफले समान १–१ विकेट लिए ।
दोस्रो खेलमा विराट स्पोर्टिङले पूर्वाञ्चल क्रिकेट एकेडेमीलाई ७ विकेटले पराजित गरेको हो । पूर्वाञ्चलले दिएको ७६ रनको लक्ष्य विराटले ८.१ ओभरमा ३ विकेट गुमाउँदै पूरा गर्दा खालिद आलमले १२ बलमा २६ र सुदर्शन कुमारले २४ बलमा २४ रन योगदान गरे । पूर्वाञ्चलका विकास लोहियाले २ र मन्जित श्रेष्ठले १ विकेट लिए । त्यसअघि पहिलो ब्याटिङ गरेको पूर्वाञ्चल ७ विकेटको क्षतिमा ७५ रनमा सीमित रह्यो । उसका लागि पवन कुमारले १४ बलमा २८ र निराजन लड्डीले १५ बलमा २० रन जोडे । विराटका आशुतोष सिंह, खालिद आलम र प्रतिक पोखरेलले समान २ विकेट झारे ।
विराटनगर महानगरपालिका–६ को आयोजनामा सोमबार सुरु भएको प्रतियोगितामा मुलुकका विभिन्न ७ वटा क्लबको सहभागिता छ र हरेक क्लबमा चार जना भारतीय खेलाडी अनुबन्धित छन् ।
प्रतियोगिताका विजेताले ५ लाख र उपविजेताले २ लाख रुपैयाँ पुरस्कार पाउने आयोजक वडाध्यक्ष अक्षय सहनीले बताए । प्रतियोगिता सञ्चालनका लागि विराटनगर ६ बरमपुरामा १२ लाखको लागतमा बाँसको खम्बामा अस्थायी फ्लड्लाईटको व्यवस्था गरेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)