एनसीसीएस कपमा सीईसी र आयोजक भक्तपुर विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — पल्सर क्रिकेट एन्सिलेन्स सेन्टर (सीईसी) काठमाडौंले एनसीसीएस आमन्त्रण भ्याली कप टी–२० क्रिकेट प्रतियोगितामा सोमबार जित निकालेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![एनसीसीएस कपमा सीईसी र आयोजक भक्तपुर विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/player-of-the-match-pooja-saud-2752024031105-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
समूह ‘ए’ मा रहेको सीईसीले बलपार्क स्पोर्टस एन्ड इभेन्ट एकेडेमीलाई ५ विकेटले पराजित गरेको थियो । बलपार्कले निर्धारित २० ओभरमा ७ विकेट गुमाई १ सय १७ रन बनायो ।
त्यसमा तिलक राजभण्डारीले २८, आशुतोष घिरैयाले २१ र विवेक रानामरले २० रनको योगदान गरे । सीईसीका राज बमले दुई, युनिसविक्रम सिंह र सूर्य तामाङले समान एक विकेट लिए ।
जवाफमा सीईसी काठमाडौंले १८.१ ओभरमा १सय २१ रन बनाएर लक्ष्य पूरा गरेको थियो । राज बमले अलराउन्ड प्रदर्शन गर्ने क्रममा २७ बलमा ३९ रन जोडे । दीपेन्द्र राउत २१ र रित गौतमले १७ रन बनाए । बलपार्कका तिलक राजभण्डारी र अर्थव पौडेलले समान २ र पंकज पाण्डेले एक विकेट लिए । प्लेयर अफ द म्याच राज बम भए ।
मूलपानी क्रिकेट मैदानमा भइरहेको प्रतियोगिताको महिलातर्फ आयोजक भक्तपुर जिल्ला ८ रनले विजयी भएको छ । आयोजकले ललितपुर जिल्ला टिमलाई हरायो ।
भक्तपुरले निर्धारित २० ओभरमा अलआउट हुँदै ८० रन बनायो । अनुशा रोलाले ९, विनु जप्रेलले ८ र अलिसा खड्काले ७ रन जोडेका थिए । ललितपुरबाट मनीषा उपाध्याय र श्वेता गुप्ताले समान २ विकेट तथा सम्भाव्य ढकालले एक विकेट लिए ।
जवाफमा ललितपुर १८.४ ओभरमा समेटिँदा ७२ रनमात्र बनाउन सक्यो । त्यसमा गंगा बस्नेतले ३३ रन जोडिन् । भक्तपुरकी पूजा साउदले १४ रन दिएर ४ विकेट लिइन् । अनुषा र सिर्जना श्रेष्ठले २–२ विकेट लिए । ४ विकटे लिएकी पूजा साउद प्लेयर अफ द म्याच भइन् । मंगलबार भक्तपुरले काठमाडौंसँग खेल्नेछ ।
![](https://assets-cdn.ekantipur.com/uploads/source/ads/900-x-100-1-0282024055738.gif)