पहिलो क्वालिफायरमा कोलकाता र हैदराबाद भिड्दै

प्रतियोगिताको अन्तिम लिग खेलमा आइतबार कोलकाता र राजस्थान रोयल्सले एक-एक अंकमा चित्त बुझाएका थिए । वर्षाले खेल वासआउट भएपछि राजस्थानले शीर्ष दुईमा उक्लने अवसर गुमाएको थियो । राजस्थान तेस्रो स्थानमा रह्यो ।

त्यसअगाडि हैदराबादले पञ्जाब किंग्सलाई चार विकेटले पराजित गरेको थियो । अब बुधबार इलिमिनेटरमा राजस्थान र रोयल च्यालेन्जर्स बेंगलुरु खेल्नेछन् । त्यसको विजेताले पहिलो क्वालिफायरमा पराजित हुने टिमसँग फाइनल प्रवेशका लागि खेल्नेछ ।