लखनउमाथि कोलकाताको सजिलो जित

पहिले ब्याटिङ गरेको लखनउले सात विकेटमा १ सय ६१ रनको स्कोर खडा गरेको थियो । त्यसमा निकोलस पुरनले सर्वाधिक ४५ रन बनाए । मिचेल स्टार्कले कोलकाताका लागि २८ रनमा तीन विकेट लिए ।

जवाफमा कोलकाताले १५.४ ओभर मात्र उपयोग गर्दै दुई विकेट गुमाएर १ सय ६२ रन बनायो । ओपनर फिल साल्ट ४७ बलमा ८९ रन बनाएर नटआउट रहे । इंग्लिस विकेटकिपर ब्याटरले ४७ बलमा १४ चौका र तीन छक्का प्रहार गरे ।

कोलकाता पाँच खेलबाट आठ अंक बटुलेर दोस्रो स्थानमा छ । लखनउको छ अंक छ र पाँचौं स्थानमा छ ।