लखनउमाथि कोलकाताको सजिलो जित
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
कोलकाता, एजेन्सी — कोलकाता नाइट राइडर्सले आईपीएल २०२४ मा आइतबार लखनउ सुपर जायन्टसमाथि सजिलो जित निकालेका छ । इडेन गार्डेनमा भएको खेलमा कोलकाता आठ विकेटले विजयी भयो । उसले २६ बलको खेल बाँकी छँदै जित निकालेको थियो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![लखनउमाथि कोलकाताको सजिलो जित](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/screenshot20240414192124chrome-1442024034932-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
पहिले ब्याटिङ गरेको लखनउले सात विकेटमा १ सय ६१ रनको स्कोर खडा गरेको थियो । त्यसमा निकोलस पुरनले सर्वाधिक ४५ रन बनाए । मिचेल स्टार्कले कोलकाताका लागि २८ रनमा तीन विकेट लिए ।
जवाफमा कोलकाताले १५.४ ओभर मात्र उपयोग गर्दै दुई विकेट गुमाएर १ सय ६२ रन बनायो । ओपनर फिल साल्ट ४७ बलमा ८९ रन बनाएर नटआउट रहे । इंग्लिस विकेटकिपर ब्याटरले ४७ बलमा १४ चौका र तीन छक्का प्रहार गरे ।
कोलकाता पाँच खेलबाट आठ अंक बटुलेर दोस्रो स्थानमा छ । लखनउको छ अंक छ र पाँचौं स्थानमा छ ।
प्रकाशित : वैशाख २, २०८१ १९:३६प्रतिक्रिया