प्लानिङ ब्वाइज उपाधि नजिक

सुनसरीको बराहक्षेत्र ५ मा मंगलबार सम्पन्न पहिलो सेमिफाइनलमा धरान फुटबल क्लबलाई २–० गोलले पराजित गर्दै साबिक विजेता प्लानिङ ब्वाइज उपाधि नजिक पुगेको हो । प्लानिङको जितमा दुवै गोल विदेशी खेलाडी नेपोलियनले गरे ।

सुरुदेखि नै धरानमाथि दबाब बढाएको प्लानिङले ५८ औं मिनेटमा अग्रता बनायो । दोस्रो हाफमा इन्ज्युरी समयमा नेपोलियनले दोस्रो गोल गरेपछि धरान स्तब्ध बन्यो ।

नेपोलियन म्यान अफ द म्याच भए । उनले ५ हजार पाए । बुधबार सेमिफाइनलमा आयोजक न्युस्टार फुटबल क्लब र बिर्तामोड न्युस्टार झापाबीच प्रतिस्पर्धा हुनेछ ।