भ्यानमा राखेर अवैध औषधि बिक्री, आरोपित २ जना पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
चितवन — जिल्ला प्रहरी कार्यालय आडैमा पर्ने भरतपुरको अस्पताल रोडमै बिना बिलबिजक अवैध औषधि बिक्री गरेको आरोपमा चितवन प्रहरीले दुई जनालाई नियन्त्रणमा लिएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![भ्यानमा राखेर अवैध औषधि बिक्री, आरोपित २ जना पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/4489646247690512619751745621267336897063277n-0572024052857-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
चितवन प्रहरी, नेपाल औषधि व्यवसायी संघ र मेडिकल स्टकिष्ट क्लब अफ नारायणगढले बिहीबार गरेको संयुक्त अनुगमनका क्रममा औषधि बेच्दै गरेका सर्लाही पर्सा गाउँपालिका-५ बस्ने २९ वर्षका अनिल झा र काठमाडौं चन्द्रागिरि नगरपालिका-७ का ३८ वर्षीय दिपेन परियार पक्राउ परेका हुन् ।
उनीहरूले वाग्मती प्रदेश ०१-०२६ प २१८२ नम्बरको भ्यानमा राखेर औषधि बेच्दै गरेको अवस्थामा नियन्त्रणमा लिएको चितवन जिल्ला प्रहरी कार्यालयका प्रवक्ता डीएसपी भेषराज रिजालले बताए । पक्राउ परेका व्यक्ति, बरामद औषधि र भ्यान थप कारकाहीका लागि औषधि व्यवस्था विभागको पर्सा वीरगन्ज कार्यालय पठाएको डीएसपी रिजालले जानकारी दिए ।
![](https://assets-cdn.ekantipur.com/uploads/source/ads/900-x-100-0172024023126.gif)