बन्दुक देखाई महिलालाई बलात्कार गर्ने पक्राउ 

जिल्ला प्रहरी कार्यालय सल्यानका सूचना अधिकारी तथा प्रहरी निरीक्षक भवानीप्रसाद धमलाका अनुसार असार १९ गते वलीले ४३ वर्षीया महिलालाई निजकै घरमा बन्दुक देखाई बलात्कार गरेका थिए । बलात्कार गरेको जाहेरी परेपछि वलीलाई घरबाटै शनिबार दिउँसो पक्राउ गरेको प्रहरी निरीक्षक धमलाले जानकारी गराए । उनका अनुसार वलीको घरमा खानतलासी गर्दा बारुद भरेर राखेको एक थान बन्दुकसमेत बरामद भएको छ ।

वलीलाई जबरजस्ती करणी तथा हातहतियार खरखजाना मुद्दामा जिल्ला अदालत सल्यानबाट चार दिनको म्याद थप गरी प्रहरी कार्यालय सल्यानको हिरासत कक्षमा राखेर अनुसन्धान भैरहेको छ ।