मीना आर्चायको आत्मकथा 'स्वतन्त्रता र समानताको निरन्तर यात्रा' सार्वजनिक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — अर्थशास्त्री मीना आचार्यको बाल्यकालदेखि हालसम्मको भोगाइ, संघर्ष र अनुभव समेटिएको आत्मकथा 'स्वतन्त्रता र समानताको निरन्तर यात्रा' सार्वजनिक भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![मीना आर्चायको आत्मकथा 'स्वतन्त्रता र समानताको निरन्तर यात्रा' सार्वजनिक](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/meena-0572024051217-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
शुक्रबार काठमाडौंमा एक कार्यक्रमका बीच आचार्यले आफ्नो जीवनमा आधारित पुस्तक सार्वजनिक गरेकी हुन् । कार्यक्रममा उनले सिंगो परिवारका लागि बिहानैदेखि काममा तल्लीन रहने महिलाको आर्थिक विकासमा कुनै योगदान नै छैन भनिएपछि त्यसको अनुसन्धान गर्दै जाँदा त्यसैले आफूलाई महिलावादी बनाएको बताइन् ।
अर्थशास्त्रमा विद्यावारिधी गरेकी आचार्यका महिला र अर्थतन्त्रसँग जोडिएका विभिन्न अनुसन्धानमूलक सामग्री प्रकाशित छन् । पूर्वप्रधानमन्त्री टंकप्रसाद आचार्यकी छोरी मीनाले आफूले बाल्यकालमै बुबाको राजनीतिका कारण परिवारले ब्यहोर्नुपरेको सास्ती र आमाको संघर्षलाई समेत पुस्तकमा समेटेको बताइन् ।
कार्यक्रममा अधिकारकर्मी चाँदनी जोशीले मीना आचार्यको उर्जा, मिहिनेत र कामप्रतिको प्रतिबद्धताले आफूलाई सधैं प्रेरणा मिलेको बताइन् ।
पूर्वअर्थमन्त्री महेश आचार्यले नेपालमा लैंगिक समानता र लैंगिक बजेट ल्याउन अर्थविद् मिना आचार्यको अनुसन्धानले मार्गदर्शन गरेको बताए । टंकप्रसाद आचार्य स्मृति प्रतिष्ठानका अध्यक्ष सुशील प्याकुरेलले आचार्यको जीवनीमा आधारित पुस्तकले नेपालको समाजशास्त्र, अर्थशास्त्र र नारीवादीको आन्दोलनको चित्रण गर्ने बताए ।
पुस्तक साङ्ग्रिला बुक्सले प्रकाशन गरेको हो ।
![](https://assets-cdn.ekantipur.com/uploads/source/ads/900-x-100-0172024023126.gif)