कराँतेमा पुलिस च्याम्पियन

सातदोबाटोस्थित कराँते हलमा भएको प्रतियोगितामा एपीएफ दोस्रो भयो । एपीएफले तीन स्वर्ण, पाँच रजत र पाँच काँस्य पदक प्राप्त गर्‍यो । च्याम्पियन बनेको पुलिसले ट्रफीसहित एक लाख र दोस्रो बनेको एपीएफले ट्रफीसहित ५० हजार रुपैयाँ प्राप्त गर्‍यो । प्रतियोगितामा वागमती प्रदेश तेस्रो भयो ।

वागमतीले दुई स्वर्ण, एक रजत र ६ कांस्य पदक आफ्नो बनाउँदै तेस्रो स्थान प्राप्त गरेको हो । १० टोलीको सहभागिता रहेको प्रतियोगितामा कुल १७ इभेन्ट्सको पदकका लागि प्रतिस्पर्धा भएको थियो ।

प्रतियोगितामा पुरुषतर्फ सुदूरपश्चिम प्रदेशका कमल ओली र महिलामा एपीएफकी रमिता माझी उत्कृष्ट खेलाडी चयन भए । कमलले पुरुष ७५ केजीमुनि र रमिताले ६१ केजीमुनि स्वर्ण पदक जितेका थिए । सर्वोत्कृष्ट महिला तथा पुरुष खेलाडीले ट्रफीसहित समान २५ हजार रुपैयाँ पाए ।