२८.१२°C काठमाडौं
काठमाडौंमा वायुको गुणस्तर: १५४

अस्ट्रेलियामा दुई सञ्चारकर्मीलाई भानुभवानी पत्रकारिता पुरस्कार

काठमाडौँ — अस्ट्रेलियामा रहेर नेपाली भाषा तथा साहित्यको क्षेत्रमा महत्त्वपूर्ण योगदान पुर्‍याएको भन्दै दुई जना सञ्चारकर्मीलाई `भानु भवानी पत्रकारिता पुरस्कार २०८१´ बाट पुरस्कृत गरिएको छ

अस्ट्रेलियामा दुई सञ्चारकर्मीलाई भानुभवानी पत्रकारिता पुरस्कार

अस्ट्रेलियाको राजधानी क्यानवेरामा शनिबार आयोजित एक कार्यक्रममा सञ्चारकर्मी प्रदीप तिमल्सिना र अभिषेक खड्कालाई `भानु भवानी पत्रकारिता पुरस्कार २०८१´ द्वारा सम्मान गरिएको हो ।

साहित्यकार स्वर्गीय भवानी घिमिरेको सम्झनामा सो पुरस्कार २०७० साल देखि प्रदान गरिँदै आइएको छ।क्यानबेरामा भानु परिवारद्वारा आयोजित एक विशेष कार्यक्रममाझ अस्ट्रेलियाका लागि नेपाली राजदूत कैलाशराज पोखरेलले तिमल्सिना र खड्कालाई सो सम्मान प्रदान गरेका हुन् ।

वानी घिमिरेले नेपाली साहित्यिक क्षेत्रमा पुर्याएको योगदानलाई स्मरण गर्दै उनको सम्मानमा अस्ट्रेलियामा सक्रिय रहँदै आएका तिमल्सिना र खड्कालाई सम्मान गरिएको परिवारले जानकारी दिएको हो । उनी भानु भवानी नामले साहित्य क्षेत्रमा चर्चित साहित्यकार हुन।

कार्यक्रममा प्राध्यापक गार्गी शर्मा, साहित्यकारहरु बसुधा नेपाल पोखरेल,शिवानी भट्टराई घिमिरे, ज्ञानुवाकर पौडेल , त्रिपूरा पौडेललगायतको उपस्थिति थियो भने सहित्यकारहरूले आफ्ना रचना वाचन गर्दै स्वर्गीय घिमिरेले नेपाली साहित्यिक क्षेत्रमा पुर्‍याएको योगदानको चर्चा गरेका थिए। साहित्यकार घिमिरेकी छोरी महत्ता चापागाईंले बुवाको नाममा स्थापित पुरस्कार अब हरेक वर्ष अस्ट्रेलियामा नै प्रदान गरिने जानकारी दिइन्।

प्रकाशित : जेष्ठ ६, २०८१ ०९:२९
प्रतिक्रिया
पठाउनुहोस्
जनताको राय

हदबन्दीमाथिको जग्गा सट्टापट्टा मात्र होइन, बिक्री नै गर्न पाइने विधेयक संघीय संसद्‌मा पुगेको छ । यस्तो विधेयकलाई अब के गर्नुपर्छ ?