काठमाडौँ — प्रतिनिधि सभाको बैठक सुरु हुनु अघि संसद्मा प्रस्तुत हुने रणनीति तय गर्न विपक्षी दलहरूको बैठक बसेको छ । कांग्रेस सभापति तथा प्रमुख विपक्षी दलका नेता शेरबहादुर देउवाको कार्यकक्षमा कांग्रेस, राप्रपा, जसपा नेपाल, लोसपा, राष्ट्रिय जनमोर्चाको बैठक बसेको हो ।
सहकारी छानबिनका लागि संसदीय समिति बनाउनेबारेमा दलहरूबीच सैद्धान्तिक सहमति भएको छ । तर कसरी छानबिन अघि बढाउने भन्ने मोडालिटी तय हुन बाँकी छ । त्यसमा कुरा मिलेपछि प्रतिनिधि सभाको बैठक बस्छ ।