मुख्यमन्त्री कप : पुलिस, गण्डकी, लुम्बिनी र कर्णाली विजयी

मंगलबार तेस्रो दिनको पहिलो खेलमा नेपाल प्रहरीले वाग्मती प्रदेशलाई ३–० ले पराजित गरेको छ । दोस्रो खेलमा गण्डकी प्रदेशले आयोजक सुदूरपश्चिमलाई ३–१ ले पराजित गरेको छ । यसैगरी लुम्बिनीले कोशीलाई ३–० ले र कर्णालीले मधेश प्रदेशलाई ३–१ ले पराजित गरेको छ ।

सुदूरपश्चिम खेलकुद विकास समितिको आयोजना र जिल्ला भलिबल संघको समन्वयमा माघ १४ देखि प्रतियोगिता सुरु भएको हो । माघ २० सम्म चल्ने प्रतियोगितामा तीन विभागीय र ७ प्रदेशका गरी १० वटा टिमको सहभागिता छ ।