६ स्थानमा ट्राफिक लाइट

सिद्धार्थनगरको देवकोटा चोक र बुद्धचोकमा लाइट जडान गरिएका हुन् । लाइट जडान भएसँगै सवारी व्यवस्थापन सहज भएको छ । ६ लेन सडक निर्माण भएपछि लाइटको आवश्यकता पर्छ भन्ने बुझेर सुरुमा मणिग्राम चोकमा लाइट जडान गरिएको तिलोत्तमा नगरपालिकाका प्रमुख प्रशासकीय अधिकृत प्रदीप पौडेलले बताए ।

चार चोकमा जडान गर्दा ५० लाख रुपैयाँ खर्च भएको भन्दै उनले ट्राफिक लाइट जडानपश्चात् दुर्घटना न्यूनीकरण भएको प्रतिक्रिया प्रहरीबाट पाएको जनाए । सिद्धार्थनगरका दुई चोकमा ट्राफिक लाइटका लागि ४१ लाख रुपैयाँ कार्यपालिकाको निर्णयबाट छुट्याएको र सोही अनुसार काम गरेको उपप्रमुख उमादेवी काफ्लेले बताइन् ।