तिलोत्तमाको वडा नम्बर १ कार्यालयमा तालाबन्दी- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

तिलोत्तमाको वडा नम्बर १ कार्यालयमा तालाबन्दी

सन्जु पौडेल

तिलोत्तमा — सेवाग्राहीले तिलोत्तमा नगरपालिका वडा नम्बर १ को कार्यालयमा तालाबन्दी गरेका छन् । उनीहरूले अत्यावश्यक कामसमेत नभएको भन्दै मंगलबार वडा कार्यालयमा तालाबन्दी गरेका हुन् । 

वडाध्यक्ष फर्सुराम गिरी कसैलाई पनि कार्यवाहकको जिम्मेवारी नदिई वडामा अनुपस्थित भएको र फोन गर्दा समेत सम्पर्क नभएपछि आफूहरुले बाध्य भएर वडा कार्यालयमा तालाबन्दी गरेको सेवाग्राही चिरञ्जीवी देवकोटाले बताए ।

उनले आफू चौकिल्ला बनाउनका लागी शुक्रबार, सोमबार र मंगलबार गरी ३ दिनसम्म वडा कार्यालयमा पुग्दासमेत वडाध्यक्ष र कुनै पनि सदस्य उपस्थित नभएपछि काम नबनेको भन्दै फोनसमेत नउठेको बताए । ‘म जस्ता धेरै वडामा काम लिएर गएका थिए,’ उनले भने, ‘फोन उठे वडाध्यक्ष भएकै ठाउँमा गएर काम गराउँछौं, भन्दा फोन नै उठ्दैन, त्यसैले ताला लगाइदियौँ ।’

प्रकाशित : जेष्ठ १७, २०७९ १६:१४
प्रतिक्रिया
पठाउनुहोस्

स्थानीय तह निर्वाचनमा धाँधली र राज्यशक्तिको दुरुपयोग भयो : लोसपा 

कान्तिपुर संवाददाता

काठमाडौँ — लोकतान्त्रिक समाजवादी पार्टीले स्थानीय तह निर्वाचनमा धाँधली र राज्यशक्तिको दुरुपयोग भएको आरोप लगाएको छ । लोसपाले मंगलबार एक विज्ञप्ति जारी गर्दै स्थानीय तह निर्वाचन स्वच्छ हुन नसकेको आरोप लगाएको हो । 

लोसपाले आगामी दिनमा निर्वाचनमा हुनसक्ने धाँधली र अलोकतान्त्रिक गतिविधिप्रति सजग हुनुपर्ने भन्दै सम्बद्ध पक्षहरूको ध्यानाकर्षण गराएका छन् ।

'स्थानीय तह निर्वाचनमा नेपाल सरकारले निष्पक्षता कायम गर्न नसकेको ठहर गर्दै विभिन्न स्थानहरूमा सत्ता गठबन्धनका घटक दलहरूले धाँधली र राज्य शक्तिको दुरुपयोग गरेको स्पष्ट छ,' लोसपाको विज्ञप्तिमा भनिएको छ, 'अतः भविष्यको निर्वाचनको समयमा हुनसक्ने अलोकतान्त्रिक गतिविधि, धाँधली र शक्तिको दुरुपयोगविरुद्ध आम मतदाता, लोसपा पार्टीपंक्ति, विशेष गरी निर्वाचन आयोग र सुरक्षा निकायहरू थप सचेत र सजग रहन पार्टी सम्बद्ध सबैसँग आग्रह गर्दछ ।'

बैशाख ३० गते सम्पन्न स्थानीय तह निर्वाचनमा लोसपाले १६ स्थानीय तहका प्रमुख/अध्यक्ष जितेको थियो ।


प्रकाशित : जेष्ठ १७, २०७९ १५:५१
पूरा पढ्नुहोस्
प्रतिक्रिया
पठाउनुहोस्
x
×