पाल्पामा ट्र्याक्टर दुर्घटनामा मृत्यु
पाल्पा — ट्र्याक्टर दुर्घटनामा एक जनाको मृत्यु भएको छ भने अर्का एक जना घाइते भएका छन् । तानसेन नगरपालिका–९, दमकडा नजिक शनिबार भएको दुर्घटनामा ४१ वर्षीय दीपक ढकालको मृत्यु भएको प्रहरीले जनाएको छ ।
लु ४ त ५४३८ नम्बरको ट्र्याक्टर अचानक ब्रेक फेल भई भएको दुर्घटनामा बगनासकाली गाउँपालिका–२, पोखराथोकका २१ वर्षीय हिरा कुमाल घाइते भएका छन् । ढकालको उपचारका क्रममा मृत्यु भएको प्रहरीले जनाएको छ ।
देउरालीबाट दमकडातर्फ दाउरा लोड गरी लैजाने क्रममा ट्र्याक्टर दुर्घटना भएको थियो । घाइतेको लुम्बिनी मेडिकल कलेजमा उपचार भइरहेको छ ।
प्रकाशित : मंसिर १८, २०७८ १७:०८प्रतिक्रिया
