लागूऔषध सहित २ जना पक्राउ

इलाका प्रहरी कार्यालय, सानोश्रीबाट खटिएको टोलीले मधुवन नगरपालिका-५ आठ नम्बर चोकबाट शंका लागेपछि चेकजाँच गर्दा ३ ग्राम ९० मिलिग्राम लागूऔषध फेला पारेको जनाएको छ ।

भे ६ प ९३४८ नम्बरको मोटरसाइकलमा सवार मधुवन-५ का नकेन्द्र मगर र सोही ठाउँका टंकर गुरुङ लागूऔषधसहित पक्राउ परेका हुन् । आरोपित दुवैजनालाई लागूऔषध मुद्दामा कारबाही चलाइएको जिल्ला प्रहरी प्रवक्ता हेमबहादुर शाहीले जनाएका छन् ।