४५ ग्राम ब्राउन सुगरसहित दाङबाट एक भारतीय पक्राउ
दाङ — दाङमा ४५ ग्राम ब्राउनसुगरसहित एक भारतीय नागरिक पक्राउ परेका छन् । लमही नगरपालिका-९ अमिलियाबाट सोमबार राति भारत नानपाराका २८ वर्षीय नाइम नामका व्यक्ति ब्राउनसुगरसहित पक्राउ परेको जिल्ला प्रहरी कार्यालयका प्रवक्ता डीएसपी मुकुन्दप्रसाद रिजालले बताए ।
पक्राउ परेका व्यक्तिले आफ्नो नाम नाइम मात्र बताएको र अन्य परिचय खुल्ने कुनै कागजात फेला नपरेको उनले बताए । घटनाबारे थप अनुसन्धान भइरहेको रिजालले बताए ।
प्रतिक्रिया
