४५ ग्राम ब्राउन सुगरसहित दाङबाट एक भारतीय पक्राउ- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

४५ ग्राम ब्राउन सुगरसहित दाङबाट एक भारतीय पक्राउ

दुर्गालाल केसी

दाङ — दाङमा ४५ ग्राम ब्राउनसुगरसहित एक भारतीय नागरिक पक्राउ परेका छन् । लमही नगरपालिका-९ अमिलियाबाट सोमबार राति भारत नानपाराका २८ वर्षीय नाइम नामका व्यक्ति ब्राउनसुगरसहित पक्राउ परेको जिल्ला प्रहरी कार्यालयका  प्रवक्ता डीएसपी मुकुन्दप्रसाद रिजालले बताए ।

पक्राउ परेका व्यक्तिले आफ्नो नाम नाइम मात्र बताएको र अन्य परिचय खुल्ने कुनै कागजात फेला नपरेको उनले बताए । घटनाबारे थप अनुसन्धान भइरहेको रिजालले बताए ।

प्रकाशित : मंसिर ७, २०७८ १३:१३
प्रतिक्रिया
पठाउनुहोस्

विवाद भएपछि ओखलढुंगामा कांग्रेसको मतदान रोकियो

कान्तिपुर संवाददाता

काठमाडौँ — कांग्रेसको १४ औँ महाधिवेशन अन्तर्गत ओखलढुंगामा दुई पक्षबीच विवाद भएपछि मतदान रोकिएको छ । निर्वाचन समितिले छापेको मतपत्रकै आकार, रङ र एकपक्षीय उम्मेदवारको नाममा रेजा लगाएको मतपत्र फेला परेपछि दुई पक्षबीच विवाद भएको हो ।

ओखलढुंगामा जिल्ला सभापतिका लागि तेजन खनाल र बालकृष्ण दाहाल प्यानलसहित प्रतिस्पर्धामा छन् । खनाल सभापति शेरबहादुर देउवानिकट उम्मेदवार हुन् भने दाहाल वरिष्ठ नेता रामचन्द्र पौडेल निकट हुन् ।

खनाल पक्षले निर्वाचन समितिले प्रयाेग गरेकै आकारको मतपत्रमा रेजा लगाएकाे मतपत्र बाँडेको हो । विवादपछि उत्पन्न तनावपूर्ण अवस्थाका कारण मतदान रोकिएको नेपाल प्रेस युनियनका नेता खिला कार्कीले जानकारी दिए । उनका अनुसार उम्मेदवारहरुले अर्को मतपत्र छपाई गरेपछि मात्रै मतदानमा जान सकिने शर्त अघि सारेका छन् । निर्वाचन अधिकृत उज्वलराम श्रेष्ठ भने त्यसबारे बोल्न चाहेनन् ।

प्रकाशित : मंसिर ७, २०७८ १३:०८
पूरा पढ्नुहोस्
प्रतिक्रिया
पठाउनुहोस्
×