आलुको बीउ वितरण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पाल्पा — स्थानीय तहले आलुमा आत्मनिर्भर बनाउन अनुदानमा बीउ वितरण गरेका छन् । रामपुर, तानसेन, रम्भा, माथागढीलगायत स्थानीय तहले ५० प्रतिशत अनुदानमा आलुको बीउ वितरण गरेका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![आलुको बीउ वितरण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/aalu-ko-biu-palpa-10112021060126-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
रामपुर नगरपालिका–६ मा जिल्लाकै सबैभन्दा धेरै आलु उत्पादन हुन्छ । यहाँ अघिल्लो वर्ष ९ लाख किलोभन्दा बढी फलेको वडाध्यक्ष हुमनाथ न्यौपानेले बताए । उनका अनुसार खडेरी नपरेको भए १६ लाख किलो आलु उत्पादन गर्ने लक्ष्य थियो ।
तानसेन नगरपालिका, संयुक्त राष्ट्रसंघीय विकास कार्यक्रम (यूएनडीपी) र ग्रामीण आर्थिक विकास संघ (रेडा) ले तानसेन–१४, अर्गलीलाई पकेट क्षेत्र बनाउन आलु बीउ वितरण गरेका छन् । तानसेनका नगर प्रमुख अशोककुमार शाहीले उन्नत बीउ आलु उत्पादन समूहका अध्यक्ष मोतीलाल न्यौपानलाई हस्तान्तरण गरे । समूहमा आबद्ध २ सयभन्दा बढी किसानका लागि १ सय ७८ क्विन्टल बीउ दिइएको छ ।
रेडाका कार्यकारी निर्देशक लीलाबहादुर कार्कीले व्यावसायिक रूपमा आलु उत्पादन गरी आम्दानी गर्न बीउ दिएको उनले बताए । रम्भा गाउँपालिकाले ५ वडामा ४ सय ५७ क्विन्टल बीउ वितरण गरको छ । ५० प्रतिशत अनुदानमा बीउ दिएको गाउँपालिकाका प्रवक्ता कृष्णप्रसाद रेग्मीले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)