नवमीमा पाल्पाको ऐतिहासिक भगवती मन्दिरमा श्रद्धालुको भीड - लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

नवमीमा पाल्पाको ऐतिहासिक भगवती मन्दिरमा श्रद्धालुको भीड 

माधव अर्याल

पाल्पा — दसैंको नवौं दिन महानवमीका अवसरमा बिहीबार बिहानैदेखि पाल्पाका शक्तिपीठहरुमा देवीको दर्शन गर्ने, जमरा चढाउने र भजनकिर्तन गर्नेको घुँईचो लागेको छ । 

तानसेनस्थित रणउजीरेश्वरी भगवती, भैरवस्थान, विभिन्न स्थानमा रहेका देवीका मन्दिर, कोतघरमा पूजा गर्नेको लाइन लागेको छ । रणउजीरेश्वरी भगवतीको मन्दिरमा भवगती जात्राको दिन बिहान र दसैंको नवमीका दिन बढी भीड लाग्ने संस्कृतिविद् राजेन्द्रगोपाल सिंहले बताए ।


महानवमीका दिनमा गरिने दुर्गा पूजा लगायतका कार्य गरी घटस्थापनाका दिनमा राखिएको जमरा देवी देवताका मन्दिर, कोतघर, शक्तिपीठमा श्रद्धालुले लगेर चढाएका छन् । आजैका दिन देवीका मन्दिर र शक्तिपीठमा बोका, हाास, कुखुरा र राागाको बली दिइएको छ । संस्कृतिविद् मदन देउरालीका अनुसार नवमीमा दिनमा जमरा देवी देवतालाई चढाउने प्रचलन रहेको छ ।


पाल्पाका कोतहरुमा हर्षबढाइँका साथ अग्ला डाँडामा रहेका देवीका मन्दिरमा पूजा गरिएको छ । पाल्पाको तानसेनस्थित निशान घरमा निशान भगवती, ऐतिहासिक दसैंघरमा पूजा गरिएको छ ।

पाल्पाको अग्लोडााडामा रहेका मुझुङ्ग, छहरा, भुवनपोखरी, खालीवन, सिलुवा, बिरकोट, गल्धा, ज्यामिरे, अर्चले लगायतका गाउँका कोटघर र देवीको मन्दिरमासमेत दर्शनार्थीको घुँइचो लागेको छ ।

प्रकाशित : आश्विन २८, २०७८ ११:१०
प्रतिक्रिया
पठाउनुहोस्

नर्वेमा तीर आक्रमण : ५ जनाको मृत्यु, २ घाइते

एजेन्सी

ओस्लो — नर्वेमा एक व्यक्तिले तीर आक्रमण गरी ५ जनाको हत्या गरेका छन् । बुधबार साँझ कोंग्सबर्गमा ती व्यक्तिले अन्धाधुन्ध तीर आक्रमण गरेको बताइएको छ ।

तस्बिर : रोयटर्स

आक्रमणमा अन्य दुई जना घाइते भएका छन् । संदिग्ध आक्रमणकारीलाई गिरफ्तार गरिएको अधिकारीहरूले जानकारी दिएका छन् । आक्रमणको उद्धेश्य अहिलेसम्म थाहा नभएको र अनुसन्धान जारी रहेको पनि प्रहरीको भनाइ छ ।

आक्रमणमा परी मृत्यु भएका व्यक्तिको शव स्थानीय सुपरमार्केटमा भेटिएको थियो । ड्युटीमा नभएका एक जना प्रहरी अधिकारी पनि आक्रमणमा घाइते भएको र उपचार भइरहेको बीबीसीले जनाएको छ । नर्वेकी प्रधानमन्त्री अर्ना सोल्बर्गले घटना बीभत्स भएको बताएकी छिन् । आक्रमणबाट धेरै जना त्रसित भए पनि अहिले अवस्था नियन्त्रणमा आएको उनले बताएकी छिन् ।


प्रकाशित : आश्विन २८, २०७८ ०९:०५
पूरा पढ्नुहोस्
प्रतिक्रिया
पठाउनुहोस्
×