प्युठान नगरपालिकामा कोरोनाबाट आफन्त गुमाएका परिवारलाई ३५ हजारका दरले राहत

कोरोनाबाट प्युठान नगरपालिकामा १८ जनाले ज्यान गुमाएका छन् । सोमबारबाट राहत रकम वितरण थालिएको मेयर अर्जुनकुमार कक्षपतिले बताए । ‘पहिलो दिन सोमबार पाँच जनालाई राहत रकम उपलब्ध गराएका छौं,’ उनले भने । कोरोनाबाट आफन्त गुमाएका सबै परिवारलाई राहत दिने उनको भनाइ छ ।

घरमै जाँदा स्थानीयको अवस्था थाहा हुने र पीडित परिवारलाई सान्त्वना पुग्ने ठानेर यस्तो कार्यक्रम तय गरिएको स्वास्थ्य शाखा प्रमुख गोविन्द घिमिरेले बताए ।