बालिका बलात्कारको आरोपमा एक पक्राउ

रुपन्देहीको सैनामैना नगरपालिका–७ बस्ने ५८ वर्षीय रणबहादुर विक पक्राउ परेका हुन् । विकमाथि छिमेकी बालिकालाई बलात्कार गरेको आरोप छ । इलाका प्रहरी कार्यालय सालझण्डीका अनुसार उनले भदौ १५ गते करिब साढे ४ बजेको समयमा बालिकालाई बलात्कार गरेका हुन् ।

घटनाको स्थलगत अनुसन्धान गरी अभियुक्तलाई जबर्जस्ती करणी मुद्दा अन्तर्गत अनुसन्धान अघि बढाएको जिल्ला प्रहरी कार्यालय रुपन्देहीका प्रहरी नायब उपरीक्षक सत्यनारायण थापाले बताए ।