धरौटीमा छुटे गाउँपालिका अध्यक्ष

उनी मंगलबार ५ लाख ५० हजार रुपैयाँ धरौटी राखी छुटेको जिल्ला प्रहरी कार्यालय रूपन्देहीका प्रवक्ता प्रहरी नायव उपरीक्षक सत्यनारायण थापाले बताए । ‘मुद्दा चलिरहेको छ,’ उनले भने, ‘अहिले धरौटीमा छुटेका हुन् ।’

गत साउन २४ गते अध्यक्ष शुक्लाले एक व्यक्तिलाई स्थानीय महिलाको घरमा पठाई आफ्नो घरमा ल्याउन भनेका थिए । उनको घर पुगेकी महिलालाई कोठामा थुनेर करणी गर्ने प्रयास गर्दा महिला भागेकी थिइन् । चोरी आरोपमा पक्राउ परेका श्रीमान्लाई छुटाइदिने र पैसासमेत दिने प्रलोभन देखाई शुक्लाले करणी गर्न खोजेको महिलाद्वारा दिइएको उजुरीमा उल्लेख थियो । पीडित महिलाले अध्यक्ष र उनका सहयोगीलाई समेत पक्राउ गरी कारबाही गर्न माग गर्दै उजुरी दिएकी थिइन् ।

साउन २७ गते जिल्ला प्रहरी कार्यालयमा दर्ता भएको उजुरीका आधारमा गाउँपालिका अध्यक्ष शुक्लालाई नियन्त्रणमा लिई करणी उद्योगअन्तर्गत मुद्दा चलाइएको हो । सीके राउत नेतृत्वको जनमत पार्टीका केन्द्रीय उपाध्यक्ष शुक्ला स्वतन्त्र रूपमा चुनाव लडी गाउँपालिका अध्यक्षमा निर्वाचित भएका थिए ।