नदीमा बेपत्ता दम्पतीको शव भेटियो

उनीहरुको दुवैको शव छुट्टाछुट्टै जिल्ला र ठाउँमा भेटिएको हो ।

श्रीमान मनिचनको शव सल्यानको बनगाडकुपिन्डे नगरपालिकास्थित भेरी नदीको किनारमा फेला परेको छ । श्रीमती अमृताको शव रुकुम पश्चिमको सानीभेरी गाउँपालिकास्थित सानीभेरी नदी किनारमा फेला परेको प्रहरीले जनाएको छ ।

पुथाउत्तरगंगा गाउँपालिका–१२ स्थित त्रिवणीबाट श्रीमती बगेपछि श्रीमान बचाउन नदीमा पसेका थिए । त्यसपछि दुवै जना बेपत्ता भएको स्थानीय दरवेश बुढा मगरले जानकारी दिए ।

उनीहरु गाउँबाट खाद्यान्न खरिदका लागि भनेर त्रिवेणी पुगेका थिए ।