११ जनालाई कारागार- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

११ जनालाई कारागार

कान्तिपुर संवाददाता

कपिलवस्तु — माओवादी केन्द्रका जिल्ला सदस्य दीपक पाण्डेको हत्यामा संलग्न रहेको आरोपमा मृतककी श्रीमती महिमा पाण्डेलगायत ११ जनालाई पुर्पक्षका लागि कारागार चलान गरिएको छ । कपिलवस्तु जिल्ला अदालतका न्यायाधीश वसन्तजंग थापाको इजलासको आदेशपछि बिहीबार उनीहरूलाई कारागार चलान गरिएको हो ।

कपिलवस्तुको तौलिहवा–जितपुर सडक खण्डको गोबरी हुँदै जेठ ५ गते राति पाण्डेसहित तीन जना मोटरसाइकलमा सदरमुकाम तौलिहवातर्फ फर्किंदै गर्दा उनीहरूमाथि गोली प्रहार भएको थियो । पाण्डेको उपचारका क्रममा जेठ १० गते काठमाडौंस्थित शिक्षण अस्पतालमा मृत्यु भएको हो । घटनामा मुख्य योजनाकार, गोली प्रहार गर्ने व्यक्ति, हतियार खरिद गर्ने, लुकाउने र ओसारप्रसार गर्ने तथा घटना लुकाउन सहयोग गर्ने गरी ११ जना पक्राउ परेका थिए ।

घटनाको अनुसन्धान गर्न प्रहरी नायव उपरीक्षक धर्मराज भण्डारीको संयोजकत्वमा टोली खटाइएको थियो । अनुसन्धानका क्रममा घटना भएको राति नै घटनामा संलग्न कपिलवस्तु नगरपालिका–१ का ओमप्रकाश यादव पक्राउ परेका थिए । त्यसपछि यादवले लुकाई राखेको पेस्तोल एक थान, म्याग्जिन तथा ६८ राउन्ड गोली बरामद भएको थियो ।

त्यस्तै, हत्यामा संलग्न कपिलवस्तु नगरपालिका–२ बस्ने साकिर अलिपखिया र निजले प्रयोग गरेको कटुवा पेस्तोल र दुई थान गोली तथा कपिलवस्तु नगरपालिका–६, ससुरालीमा बस्दै आएका रमजान साह मुसलमान र निजले घटनास्थलमा प्रयोग गरेको स्वचालित पेस्तोल, म्याग्जिन र ८ राउण्ड गोली प्रहरीले बरामद गरेको थियो ।

प्रकाशित : श्रावण ९, २०७८ ११:२२
प्रतिक्रिया
पठाउनुहोस्

चल्न थाले लामो दूरीका सवारी [तस्बिरहरू]

तस्बिर : कविन अधिकारी

काठमाडौँ — सरकारले मध्यम तथा लामो दूरीका सवारी साधनसमेत सञ्चालन गर्ने निर्णय गरेपछि लामो दूरीका सवारी साधन छिटफुट रुपमा चल्न थालेका छन् । सरकारको निर्णयसँगै स्वास्थ्य सुरक्षा मापदण्डको पालना गरेर सबै सवारी सञ्चालन गर्न पाइने भएको हो । शनिबार काठमाडौंका बसपार्कमा उपत्यकाबाट बाहिरिने यात्रुहरु कमै भेटिए । उपत्यकाबाट जानेभन्दा आउने यात्रुहरु धेरै भएकाले यहाँका बसपार्क सुनसान देखिएको यातायात व्यवसायीहरुले बताएका छन् ।

नेपाल सरकार (मन्त्रिपरिषद)को यही साउन ४ को निर्णयअनुसार यातायात सञ्चालनको व्यवस्था मिलाउन जिल्ला प्रशासन कार्यालय काठमाडौंले यातायात व्यवसायीलाई अनुरोध गरेको थियो । काठमाडौं प्रशासनले शुक्रबार विज्ञप्ति जारी गरी मन्त्रिपरिषद्को निर्णयानुसार त्रिभुवन विश्वविद्यालय तथा लोकसेवा आयोगलगायतका निकायबाट परीक्षाका कार्यक्रम सार्वजनिक भएकाले देशका विभिन्न भागबाट परीक्षार्थी आउने तथा सर्वसाधारणको आवतजावतसमेतलाई सहज बनाउन यातायतका साधन सञ्चालन गर्न अनुरोध गरिएको छ । प्रशासन कार्यालयले अनिवार्यरुपमा टिकट काटेर मात्रै यात्रा गर्न पनि अनुरोध गरेको छ । सरकारले सवारीसाधन र यात्रुहरुलाई स्वास्थय सुरक्षा मापदण्डको पूर्ण कार्यान्वयन गर्न पनि भनेको छ ।


प्रकाशित : श्रावण ९, २०७८ ११:०५
पूरा पढ्नुहोस्
प्रतिक्रिया
पठाउनुहोस्
×