पाल्पा पहिरो : मृत्यु हुनेको संख्या ३ पुग्यो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पाल्पा — पाल्पाको तिनाउ गाउँपालिका–५ गिट्टीखानी हिउँदे खोला क्षेत्रमा खसेको पहिरोमा पुरिएर मृत्यु हुनेको संख्या ३ पुगेको छ । बिहीबार बिहान पहिरोले पुरिएर गम्भीर घाइते भएकी ७५ वर्षीय सुन्दरी गुरुङको शुक्रबार राति लुम्बिनी मेडिकल कलेजमा उपचारका क्रममा मृत्यु भएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![पाल्पा पहिरो : मृत्यु हुनेको संख्या ३ पुग्यो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/badi-pahiro-photo-palpa-3-0872021112657-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
घाइते गुरुङलाई उद्धार गरी मेडिकल कलेजमा ल्याइएको र उपचारकै क्रममा शुक्रबार राति साढे १२ बजे मृत्यु भएको जिल्ला प्रहरी कार्यालयका प्रमुख एसपी सन्तोषकुमार भट्टराईले जानकारी दिए । उनका अनुसार शवको पोस्टमार्टम गरी आफन्तलाई बुझाइएको छ । पहिरोमा पुरिएर ४५ वर्षीय वीरबहादुर गुरुङ र ४ वर्षीय आरम्भ परियारको घटनास्थलमै मृत्यु भएको थियो । पहिरोले बगाउँदा ७ जना घाइते भएका थिए भने ७ जनाले पहिरोमा भागेर ज्यान जोगाएका थिए ।
पीडित परिवार कल्याणी आधारभूत विद्यालयको भवनमा आश्रय लिएका छन् । उनीहरुलाई सत्यवती खानी, डोलोमाइट चुनढुंगा, रेडक्रस, लायन्स, कांग्रेस पाल्पाले राहत वितरण गरेको छ । माथिल्लो भेगमा रहेको खानी उद्योगले थुपारेका डेबरेजका कारण यहाँ ठूलो पहिरो खसेको हुन सक्ने वडाध्यक्ष दलबहादुर दर्लामीले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)