पाल्पामा अलकत्रा पकाउने गाडीमा आगलागी, दुई जना घाइते

लु २ क ४३६९ नम्बरको डिस्ट्रिब्युटर सवारी अलकत्रा बिछ्याउने क्रममा आइतबार आगलागी हुँदा गुल्मीको इस्मा गाउँपालिका–२, का २० वर्षीय बासु मुखिया र सोही स्थानका २१ वर्षीय तेजबहादुर कुमाल घाइते भएको प्रहरीले जनाएको छ । घाइतेहरुको तानसेनस्थित मिसन अस्पतालमा उपचार भइरहेको सूचना अधिकारी प्रहरी निरीक्षक लक्ष्मण पचभैयाले जानकारी दिए ।

घटनाका सम्बन्धमा थप अनुसन्धान भइरहेको प्रहरीले जनाएको छ । आगलागी निभाउन पुगेको तानसेन नगरपालिकाको दमकल भने मोटर बिग्रिएर पानी फाल्न नसकेपछि गाडी पूर्णरुपमा जलेर नष्ट भएको छ । गाडीमा रहेका सिलिन्डर पड्किएकाले प्रहरी र स्थानीयले आगो निभाउन सकेनन् ।