बर्दियामा असार ७ गतेसम्म निषेधाज्ञा- लुम्बिनी - कान्तिपुर समाचार

बर्दियामा असार ७ गतेसम्म निषेधाज्ञा

कमल पन्थी

बर्दिया — कोभिड १९ को संक्रमण नियन्त्रण, रोकथाम र उपचारका लागि स्थानीय प्रशासनले केही खुकुलो गर्दै असार १ देखि ७ गते सम्म लम्बाएको छ । सक्रिय कोरोना संक्रमण पाँच सय नघटेकोले एक साता थपिएको स्थानीय प्रशासनले जनाएको छ ।

गुलरिया

हरेक दिन २ बजेसम्म स्वास्थ्य मापदण्डको पालना गरी खाद्यान्न, फलफूल र दैनिक उपभोग्यका पसल सञ्चालनको अनुमति दिएको प्रमुख जिल्ला अधिकारी सन्तबहादुर सुनारले बताए । यसअघि बिहान ७ देखि ११ बजेसम्म पसल सञ्चालन भइरहेको थियो ।

सार्वजनिक यातायात, शिक्षण संस्थान, सैलुन, ब्युटिपार्लर, जिम, खेल प्रतियोगिता, होटल र सरकारी तथा गैरसरकारी कार्यालय समेत बन्द रहनेछन् । वित्तीय संस्थान २ बजेसम्म सञ्चालन गर्न पाउनेछन् ।

विद्यालयले फोन, इमेल लगायतबाट विद्यार्थी भर्ना गर्न पाउनेछन् । पाठ्यपुस्तक सम्बन्धित विद्यालयका शिक्षकले टोलटोलमा पुगेर विद्यार्थीलाई वितरण गर्न पाउने प्रजिअ सुनारले जनाए । वैकल्पिक शिक्षालाई निरन्तरता दिइने भएको छ । निषेधाज्ञाको उल्लंघन गरिए अनुगमन टोलीले तत्काल पसलमा ताला लगाइ कारबाही गर्न अधिकार दिएको छ ।

बर्दियामा सक्रिय कोरोना संक्रमितको संख्या ७ सय ४८ जना रहेको स्वास्थ्य कार्यालयले जनाएको छ । दोस्रो चरणको कोरोनाबाट हालसम्म १ सय २२ जनाको ज्यान गइसकेको छ ।

प्रकाशित : जेष्ठ ३१, २०७८ १६:३०
प्रतिक्रिया
पठाउनुहोस्

गण्डकी प्रदेश सरकारकाे नीति तथा कार्यक्रम काेभिड लक्षित

प्रतीक्षा काफ्ले

कास्की — गण्डकी प्रदेश सरकारले सामबार ल्याएकाे नीति तथा कार्यक्रममा काेभिड १९ लाई प्राथमिकता दिएकाे छ ।

सोमबार नीति तथा कार्यक्रम प्रस्तुत गर्दै गण्डकी प्रदेश प्रमुख सीताकुमारी पौडेलले उपलब्ध साधन र स्रोतको अधिकतम उपयोग गर्दै प्रदेशको समृद्धि र विकासका लागि अघि बढ्ने बताइन् ।

काेभिडका कारण सिर्जित समस्या समाधानमा पहल गर्ने, प्रदेशका सबै नागरिकलाई काेराेना विरूद्वकाे खाेप लगाउने, काेराेना संक्रमितकाे उपचार प्रभावकारी बनाउने, काेभिडका कारण बाबुआमा गुमाएका बालबालिका र काेभिडबाट आफन्त गुमाएका परिवारलाई नगद राहतकाे व्यवस्था गरिने भएकाे छ ।

यसैगरी, काेभिडका कारण पर्यटन र कृषिमा परेकाे समस्या सम्बाेधन गरिने, सरूवा राेग अस्पताल प्रभावकारी बनाउने र ५० शय्याका सबै अस्पतालमा आँखा उपचारकाे व्यवस्था गरिने र महिलाकाे स्वास्थ्य समस्याको पहिचान गरि नि:शुल्क उपचारकाे व्यवस्था गरिने कुरा पनि नीति तथा कार्यक्रममा समावेश गरिएको छ ।

गण्डकी सरकारकाे नीति तथा कार्यक्रमकाे पूर्णपाठ :

प्रकाशित : जेष्ठ ३१, २०७८ १५:५८
पूरा पढ्नुहोस्
प्रतिक्रिया
पठाउनुहोस्
×