रुपन्देहीमा सरकारविरुद्ध कालोपट्टी बाँधेर प्रदर्शन
तिलोत्तमा — रुपन्देहीको सैनामैनामा क्रियाशील विभिन्न राजनीतिक दलका भातृ संगठन तथा संघ–संस्थाले सरकारविरुद्ध कालोपट्टी बाँधेर विरोध प्रदर्शन गरेका छन् । उनीहरुले केपी शर्मा ओली नेतृत्वको सरकारले संविधानविपरीत राष्ट्रघाती कदम चालेको र सांघातिक आक्रमण गरिरहेको भन्दै सरकारको विरोध स्वरुप टाउकोमा कालोपट्टी बाँधेर उत्रिएका थिए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![रुपन्देहीमा सरकारविरुद्ध कालोपट्टी बाँधेर प्रदर्शन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/youth-1262021060330-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
साथै उनीहरुले सुर्खेतमा शुक्रबार राति भ्रष्टाचारविरुद्ध अभियानमा लागेका सामाजिक अभियन्ता ज्ञानेन्द्र शाहीको समूहलाई सरकारी पक्षबाट आक्रमण भएको आरोप लगाउँदै घटनाको कडा निन्दा गरेका छन् । उनीहरुले शाही घटनामा संलग्नलाई तुरुन्त कारबाही नगरे सरकारविरुद्ध आन्दोलन चर्काउने चेतावनीसमेत दिएका छन् ।
युवाहरुले शान्ति सुरक्षा कायम गर, अभियन्ता कुट्न पाइँदैनजस्ता नारा लगाएका थिए । विरोधमा नेपाली कांग्रेस भातृ संगठन तरुण दल, बीपी स्टडी युथ सर्कल, नेकपा (माओवादी केन्द्र)को योङ कम्युनिस्ट लिग (वाईसीएल), सत्य संजाल सैनामैना लगायतमा आबद्ध युवहरुको सहभागिता थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)